اۋىل مەكتەبىنىڭ بۇرىنعى مۇعالىمى كيىز ءۇي جاساۋمەن شۇعىلدانىپ، سۇيىكتى ءىسىن وتباسىلىق بيزنەسكە اينالدىردى.

كيىز ءۇي – الەمگە كوشپەلىلەر سىيلاعان تىم باعزى ءارى ماڭىزدى ونەرتابىس. قاي كەزدە دە كيىز ءۇي قولايلى، ىڭعايلى باسپانا بولعان.

ۇشتەرەك اۋىلىىنڭ تۇرعىنى جەكەباي ماقساتحاندى شىنىمەن دە حالىق شىعارماشىلىعىنىڭ شەبەرى دەپ اتاۋعا ابدەن بولادى. بۇرىندا حيميا جانە بيولوگيا پاندەرىنىڭ مۇعالىمى بولعان ول ۇلتتىق مادەنيەتتىڭ قاينارىنا بەت بۇرىپ، كيىز ءۇيدى قازاق ءومىرىنىڭ ۇلتتىق ءرامىزى رەتىندە جاڭعىرتۋدى ماقسات ەتتى.

اۋىل شەبەرى ۇلتتىق ستيلدە جاسالعان سانالۋان تۇرمىستىق زاتتاردىڭ اۆتورى بولىپ تابىلادى، ولار بۇگىندە جاقسى سۇرانىسقا يە بولۋدا جانە قازىرگى زامانعى ۇيلەردىڭ ينتەرەرىنە دە اسقان ۇيلەسىممەن قونا كەتەدى.

تاپسىرىستار سانى مولايعان سوڭ، شەبەر وسى سۇيىكتى ءىسىن وتباسىلىق بيزنەسكە اينالدىرماق بولىپ شەشتى. اقسۋ قالاسىنداعى كاسىپكەرلەر پالاتاسى فيليالىنىڭ كومەگىمەن اۋىل تۇرعىنى «التىن-نۇر» جەكە كاسىپورنىن اشتى، «بيزنەس-كەڭەسشى» جوباسى بويىنشا وقۋدان ءوتتى.

بوس ۋاقىتىندا جەكەباي ماقساتحان ولەڭ جازادى. ول وتباسىمەن  بىرگە نەشە ءتۇرلى بايقاۋلارعا قاتىسادى، بالالارىنىڭ شىعارماشىلىق قابىلەتتەرىن دامىتىپ وتىرادى.

حالىق شەبەرىنىڭ العا قويعان جوسپارلارى وراسان، ول ەكسپو-2017 قوناقتارىن ءوزىنىڭ توعىز قاناتتى اق ۇيىندە قارسى الۋدى كوزدەپ وتىر. بۇل باسپانا كيىز بەن سولقىلداق شىبىقتان جاسالعان  قايتالانباس ايرىقشا ديزاينىمەن ءاربىر قازاقستاندىق ءۇشىن اتامەكەنىمىزدىڭ نىشانى، كوشپەلى حالىقتىڭ ەجەلگى مادەنيەتىنىڭ كوزىندەي بولماق.

Abai.kz