سا-News جەرگىلىكتى ىسكەرلىك باسىلىمدارعا سىلتەمە جاساپ، ەندى بانك كليەنتى ايىنا ءبىر مارتە بانكوماتتان نەمەسە كاسسادان 300 اقش دوللارىن عانا شەشىپ الا الادى، دەپ حابارلايدى. ءبىر كۇنگە ارنالعان ليميت وزگەرىسسىز قالدى – 100 دوللار.

بانك سەكتورىنىڭ وكىلدەرى شەتەل ۆاليۋتاسىنا قاتىستى وپەراتسيالارعا بىرقاتار شەكتەۋ ەنگىزىلگەنىن راستادى، بىراق جاڭا وزگەرىستەرگە بايلانىستى پىكىر بىلدىرۋدەن باس تارتتى. وسىنداي شەكتەۋلەر بيىل قاڭتار ايىندا ەنگىزىلگەن ەدى، جەرگىلىكتى باق-تىڭ حابارلاۋىنشا، سول كەزدە وزبەكستان بيلىگى زاڭسىز كىرىس پەن زاڭسىز قولما-قول اقشا وپەراتسيالارىنا قارسى كۇرەستى وسىلايشا كۇشەيتكەن.

ەكونوميستەردىڭ پىكىرىنشە، 2016 جىلدىڭ ماۋسىم ايىندا كۇشىنە ەنگەن جاڭا وزگەرىستەر دە ۆاليۋتا اينالىمى سالاسىن باقىلاۋدى كۇشەيتۋدى كوزدەيدى. بۇعان قوسا، بيلىك بانك ەسەپتەرىندەگى قوردى ساقتاپ قالۋعا تىرىسىپ كەلەدى، ويتكەنى بانك سەكتورىنىڭ وتەمدىلىگىن قولداپ وتىرۋعا ءوزىنىڭ جەكە قاراجاتى جوق. بانكتەردەگى ۆاليۋتا بەلسەندىلىگىن تەجەۋ ارقىلى رەسپۋبليكانىڭ قارجى بيلىگى ەل ىشىندەگى كاپيتالدى ساقتاپ قالادى جانە ونىڭ شەتەلگە شىعىپ كەتۋىن بولدىرمايدى، دەپ حابارلادى "ەدينىي بانك" باسىلىمى.

اباي-اقپارات