بۇل جولعى قازاقستانداعى ورىس ۆەب-سايتتارىنا شولۋدىڭ الدىندا اقپاراتتىق كەڭىستىك ءۇشىن ماڭىزدى ءبىر ماسەلەنى ايتا كەتكەن ءجون. پرەزيدەنت ن.نازارباەۆ اقپارات جانە كوممۋنيكاتسيالار ءمينيسترى داۋرەن اباەۆتى قابىلداپ، اڭگىمە بارىسىندا قازاقستانداعى باق-تىڭ ساپاسىن كوتەرۋ، ينتەرنەتكە كوڭىل ءبولۋ جانە باق-تىڭ مەملەكەت مۇددەسىنە قىزمەت ەتۋىن جۇزەگە اسىرۋ قاجەتتىگىن ايتتى. مەملەكەتتىك جانە ۇلتتىق مۇددەگە باق-تىڭ قىزمەت ەتۋ ماسەلەسىنە كەلگەندە، ەلدەگى اقپاراتتىق كەڭىستىكتىڭ ەكىگە بولىنگەنى امبەگە ايان...

سونىمەن،

NUR.KZ: «ۆانگا پرەدسكازالا ۆوينۋ پوسلە راسپادا ەۆروسويۋزا» (ۆانگا ەۋروداقتىڭ قۇلاۋىنان كەيىنگى بولاتىن سوعىستى بولجاعان) دەگەن تاقىرىپپەن ايگىلى كورىپكەلدىڭ ەۋروپا مەن رەسەيگە قاتىستى بولجامدارىن The Sun اعىلشىن باسىلىمىنا سىلتەمە جاساي وتىرىپ، جازىپتى. وندا كورىپكەل ۆانگانىڭ بولجاپ كەتكەنىندەي 2016 جىلدىڭ اياعىنا قاراي ەۋروپا وداعى جويىلادى-مىس. ءتىپتى تەرروريستىك توپتار ەۋروپا حيميالىق قارۋ قولدانىپ، مۇنىڭ اياعى 2043 جىلى ورتالىعى ريم قالاسى بولاتىن ەۋروپاداعى حاليفات قۇرىلۋىمەن اياقتالاتىن كورىنەدى. دەگەنمەن، كورىپكەل ادامزاتقا ءۇمىت ساۋلەسىن تاستاپ، وركەنيەتتى قۇتقارۋشى رەسەي بولاتىنىن ايتىپتى. «رەسەيدى ەشكىم توقتاتا المايدى. جولىندا كەسە كولدەنەڭ بولعاننىڭ ءبارىن تازالاپ، ءوزىن ساقتاپ قانا قويماي الەمنىڭ بيلەۋشىسىنە اينالادى» دەپتى ۆانگا.

RATEL.KZ:  اقپارات جانە بايلانىس قىزمەتكەرلەرىنىڭ كۇنىنە وراي، ratel.kz ۆەب-سايتىنىڭ باس رەداكتورى مارات اسيپوۆ «دەن رابوتنيكوۆ كوممەرچەسكوگو سەكسا» (كوممەرتسيالىق جىنىستىق قاتىناس قىزمەتكەرلەرىنىڭ كۇنى) دەگەن تاقىرىپتا ماقالا جاريالاپتى. اۆتور جۋرناليستتەر مەرەكەسى دەپ اتالاتىن كۇن تۋرالى ايتا كەلىپ: «... ءبىزدى ەڭ كونە ەكىنشى ماماندىق يەلەرى دەپ ايتادى. ەگەر ءبىز ەڭ كونە ەكىنشى ماماندىق يەسى بولساق، نەگە ءبىرىنشى كونە ماماندىق تۋرالى ايتپايدى؟» دەپ ساۋال تاستايدى دا ەلدەگى جەزوكشەلىكتى ايتا وتىرىپ، قازاقستاننىڭ ەكونوميكالىق، ساياسي جۇيەسىن، قوعامداعى جەمقورلىقتى، الەۋمەتتىك ماسەلەلەردى، ەلدەگى قاناۋ جۇيەسىن سىنايدى. اۆتور ماقالاسىن: «ويتكەنى، وتاندى كۇندە ساۋدالاعاننان ءتانىڭدى ساتۋ ادال كۇن كورۋ سياقتى كورىنەدى»، - دەپ اياقتايدى.

INFORMBURO.KZ: «نۋرسۋلتان نازارباەۆ راسسكازال و سۆويوم بۋنتارسكوم ۆىستۋپلەني ۆ ەپوحۋ كۋناەۆا» (نۇرسۇلتان نازارباەۆ ءوزىنىڭ قوناەۆ داۋىرىندە وتكىر مالىمدەمە جاساعانى تۋرالى ايتتى) دەگەن تاقىرىپپەن «ەلباسى» اتتى جاڭا دەرەكتى فيلمنەن ءۇزىندى كەلتىرگەن. وندا ن.نازارباەۆ: «بايانداما ەكونوميكانى باسقارۋداعى ۇلكەن كەمشىلىك جانە قىزمەت دارەجەسىنە قاراي بۇل سالادا سالاقتىق تانىتقاندار تۋرالى ناقتى دالەلدەر بولدى. بىراق مەنىڭ ايتپاسىما بولمادى. ماعان دا اۋىر بولدى» دەپ قوناەۆ داۋىرىندەگى سوۆەتتىك قازاقستان بيلىگىندەگى ءبىر ءساتتى ەسىنە الىپ: «جالپى، مەملەكەتتەگى كەز كەلگەن رەفورما رەفورماتور ءۇشىن قاۋىپتى» دەگەن ويىمەن ەستەلىگىن اياقتاعان.

MATRITCA.KZ: جۋرناليست ءنازيرا دارىمبەتتىڭ ساياساتتانۋشى تولعاناي ۇمبەتاليەۆامەن جاساعان سۇحباتى وسىدان ەكى اپتاداي ۋاقىت وتسە دە ءالى تالاي ۋاقىت وزەكتىلىگى مەن ماڭىزدىلىعىن جويمايتىن سياقتى. سەبەبى، سۇحباتتا قازاقستاننىڭ اقپاراتتىق كەڭىستىگى تۇتاستاي ءارى جان-جاقتى تەرەڭ تالدانعان. "ەدينوە ينفورماتسيوننوە پروسترانستۆو - ۋگروزا ناتسبەزوپاسنوستي كازاحستانا" (بىرىڭعاي اقپاراتتىق كەڭىستىك – قازاقستاننىڭ ۇلتتىق قاۋىپسىزدىگىنە تونگەن قاۋىپ) دەگەن تاقىرىپپەن شىققان سۇحباتتا ەاەو نەگىزىندە بىرىڭعاي اقپاراتتىق كەڭىستىك قۇرۋ تۋرالى رەسەي پرەزيدەنتى ۆ.ءپۋتيننىڭ استاناداعى كەزەكتى جيىندا ايتقان باستاماسىنا قاتىستى ساياساتتانۋشىنىڭ ويىمەن باستالىپ، ەلدەگى باق جانە اقپاراتتىق كەڭىستىكتىڭ وزەكتى ماسەلەلەرى ءسوز بولعان. «... سوندىقتان بۇل يدەيا اقوردانىڭ وزىنەن شىقتى ما دەگەن بولجامدى جوققا شىعارمايمىن. جانە بۇل باتىس ەلدەرى بۇقارالىق اقپارات قۇرالدارىنىڭ ەلدەگى قوعامدىق پىكىرگە ىقپالىن ازايتۋ ماقساتىنداعى قازاقستان باسشىلىعىنىڭ ءوتىنىش بولسا كەرەك» دەي كەلە «بيلىك ساناساتىنداي جانە باسشىلىققا الاتىنداي، باق-قا ءوز ۇستانىمىن، ءوز قۇقىعىن، ءوز قىزمەتىن ناقتىلاۋ كەرەك» ەكەنىن دە ايتادى.

شولۋ جاساعان – نۇرا ماتاي

Abai.kz