بەلگيا استاناسى بريۋسسەلدىڭ مولەنبەك اۋدانىنداعى قاسيەتتى يوان شىركەۋىندە وسىمەن ەكىنشى جىل قاتارىنان مۇسىلمان قاۋىمىنا اۋىزاشار بەرىلىپ وتىر.

بۇل تۋرالى muslim.kz حابارلايدى.

حريستيان وكىلدەرىنىڭ شاقىرتۋىن 600 ادام قابىل العان. وتكەن جىلعى اۋىزاشار كەشى قالالىق الاڭدا ۇيىمداستىرىلىپ، وعان 300-گە جۋىق قوناق كەلگەن بولاتىن.

بيىلعى اۋىزاشار كەشىن دە الاڭدا وتكىزۋ جوسپارلانعان ەدى. الايدا، اۋا رايىنىڭ قولايسىزدىعىنان شارا شىركەۋ عيماراتىنىڭ ىشىندە وتكىزىلدى.

“دىندەر اراسىندا ارازدىق وتىن تۇتاتۋ وڭاي زاماندا بۇل شارا – باۋىرمالدىقتى ارتتىرۋدىڭ تاپتىرماس مۇمكىندىگى”، – دەيدى باستاماعا قولداۋ بىلدىرۋشىلەر. ايتا كەتسەك، مولەنبەك – بريۋسسەلدىڭ ءبىلىم سالاسىنداعى ون ەكى مۋنيتسيپاليتەتىنىڭ ءبىرى، سونداي-اق بەلگيالىق مۇسىلمانداردىڭ كوپ شوعىرلانعان مەكەنى.

Abai.kz