نۇرسۇلتان نازارباەۆتىڭ كىشى قىزى ءاليا نازارباەۆا ءوزى پروديۋسەرلىك ەتكەن تەلەحيكايانىڭ ماسكەۋ حالىقارالىق كينوفەستيۆالىندەگى تۇساۋكەسەرىنەن ۇل بوسانۋىنا وراي قالىپ قويدى. بۇل تۋرالى  «NUR.KZ» پورتالى حابارلايدى.

اگەنتتىك مالىمەتىنە سايكەس، نازارباەۆا 18 ماۋسىم كۇنى ۇل بوسانعان.

ءاليا نازارباەۆا پروديۋسەرلىك ەتكەن "انا جۇرەگى" تاريحي تەلەحيكاياسىنىڭ تۇساۋكەسەرى دۇيسەنبى كۇنى ماسكەۋ حالىقارالىق كينوفەستيۆالىندە ءوتتى.

كارتينانى رەجيسسەر اقان ساتاەۆ، پروديۋسەر سۆەتلانا كوروتەنكو جانە باستى رولدەردى سومداعان ءادىل احمەتوۆ پەن ارۋجان جازىلبەكوۆا ۇسىندى.

قازاقستاندا ءفيلمنىڭ تۇساۋكەسەرى سەگىزىنشى قىركۇيەككە جوسپارلانعان.

بۇعان دەيىن قازاقستان پرەزيدەنتىنىڭ شوبەرەسى دۇنيەگە كەلگەن بولاتىن. ەلباسىنىڭ "نەمەرەسى" ايسۇلتان نازارباەۆ جاقىندا عانا اكە اتانعان.

Abai.kz