ريو-دە-جانەيروداعى انتيدوپينگتىك زەرتحاناسى ساراپتاما ناتيجەلەرىن قاتە كورسەتكەن. «WADA» بۇكىلالەمدىك انتيدوپينگتىك اگەنتتىگى اتالعان ماسەلەگە قاتىستى زەرتحانا جۇمىسىن 6 ايعا توقتاتتى.

ديسكۆاليفيكاتسيا ماۋسىمنىڭ 22-ءسى كۇنى زاڭدى كۇشىنە ەنىپ، زەرتحانا لايىقتى ەسكەرتۋ العان. بۇل شەشىممەن كەلىسپەسە، 21 كۇن ىشىندە ۇكىمنىڭ ۇستىنەن شاعىم تۇسىرە الادى.

ەندى قان مەن ءزاردىڭ بارلىعى برازيليادان شۆەيتسارياعا جونەلتىلەدى. ءدال وسىنداي جاعداي 2014 جىلى فۋتبولدان برازيليا چەمپيوناتىندا بولعان-دى.

ريو-دە جانەيروداعى وليمپيادا ويىندارى 5-21 تامىز ارالىعىندا وتپەك. دوپينگ داۋىنا ىلىنگەن اۋىراتلەتتەرىمىز تۋرالى ءبىز بىرنەشە مارتە جازعان ەدىك. ريوداعى انتيدوپينگتىك كوميتەتى قازاقستاننىڭ اۋىراتلەتيكا قۇراماسىن تولىق جارىستان شەتتەتۋ تۋرالى شەشىمگە كەلگەن-ءدى. WADA شەشىمىنەن كەيىن قازاقستان قۇراماسى جارىسقا قايتا قوسىلىپ، بەلگىلەنگەن 10 اتلەتتىڭ ورنىنا 8 زىلتەمىرشىنى اپاراتىن بولادى.

Abai.kz