22 ماۋسىمدا تاجىكستان پارلامەنتى "ۇكىمەت جونىندەگى" جانە "مادجليسي ميللي مەن مادجليسي نامويانداگون مادجليسي ولي مۇشەلەرىنىڭ قۇقىقتىق مارتەبەسى تۋرالى" كونستيتۋتسيالىق زاڭعا وزگەرىستەر ەنگىزۋ جونىندەگى زاڭ جوباسىن قابىلدادى.

تاجىكستان پارلامەنتىنىڭ تومەنگى پالاتا سپيكەرى شۋكۋردجون زۋحۋروۆ انت بەرۋدى پرەزيدەنتتىڭ ءوزى ۇسىندى دەيدى.

پارلامەنت دەپۋتاتى ماۆزۋنا شاروفيددينوۆانىڭ پىكىرىنشە، انت بەرۋ ۇكىمەت مۇشەلەرىنىڭ جاۋاپكەرشىلىگىن ارتتىرۋ ءۇشىن قاجەت. اتالعان قۇجات پرەزيدەنت قول قويعاننان كەيىن جانە باسپاسوزدە جاريالانعاننان كەيىن كۇشىنە ەنەدى.

"…قىزمەتىمدى اتقارۋ بارىسىندا كونستيتۋتسيانى ساقتاي وتىرىپ، تاجىكستان زاڭدارىن، تاجىكستان پرەزيدەنتىنىڭ جارلىقتارىن ورىنداۋعا، زاڭدىلىق پەن ادىلەتتىلىك پرينتسىپتەرىن ۇستانۋعا، حالىقارالىق ارەنادا ەلدىڭ ءيميدجىن ودان ءارى كوتەرىپ، قىزمەت ەتۋگە انت ەتەمىن", -دەلىنگەن ماتىندە.

تاجىك قوعامىندا انت پەن سەرت بەرۋ ۇلكەن ماڭىزعا يە. بۇل ادامدارعا سەنىم تۋعىزادى.

اباي-اقپارات