قازاقستاننىڭ سىرتقى ىستەر ءمينيسترى ەرلان ىدىرىسوۆ 5 ماۋسىمدا اقتوبەدە بولعان قارۋلى شابۋىلدارعا سيريا مەن يراكتاعى "يسلام مەملەكەتى" (يم) ەكسترەميستىك ۇيىمىنىڭ قاتىسى بارىن ايتتى دەپ حابارلايدى جەرگىلىكتى اقپارات قۇرالدارى.

ء«بىزدىڭ انىقتاعانىمىزداي، قاسيەتتى رامازان ايىنىڭ قارساڭىندا دايش (يم-ءنىڭ باسقاشا اتالۋى - رەد.) دەپ تىركەلگەن توپتىڭ ادناني دەگەن باسشىسى ءوزىنىڭ ارتىنان ەرگەندەرگە ينتەرنەت ارقىلى زورلىق-زومبىلىق جاساۋدى تاپسىرعان» دەدى ەرلان ىدىرىسوۆ بۇگىن حالىق الدىندا ەسەپ بەرگەن كەزىندە. 

5 ماۋسىمدا اقتوبەدە ءبىر توپ ەكى قارۋ-جاراق دۇكەنىن توناپ، ۇلتتىق گۆارديانىڭ اسكەري ءبولىمىن باسىپ الۋعا تىرىسقان. شابۋىل مەن اتىستان رەسمي مالىمەت بويىنشا 7 ادام قازا تاۋىپ، 40 شاقتى ادام جارالانعان. التى كۇنگە سوزىلعان ارنايى وپەراتسيادا شابۋىلعا كۇدىكتى دەلىنگەن 18 ادامنىڭ كوزى جويىلىپ، بىرنەشە ادام ۇستالعان.

قازاقستان پرەزيدەنتى نۇرسۇلتان نازارباەۆ شابۋىل جاساعانداردىڭ "راديكالدىق ءدىني توپ وكىلدەرى" بولعانىن جانە ولاردىڭ "شەتەلدەن نۇسقاۋ العانىن" مالىمدەگەن.

اباي-اقپارات