«3 جىلدا قازاقستانداعى قىتايلىق كومپانيالار سانى 35 پايىزعا ءوستى. بۇل تۋرالى بۇگىن ەلوردادا ءوتىپ جاتقان ورتالىق ازيانىڭ قاۋىپسىزدىگىنە ارنالعان جىل سايىنعى 14-ءشى كونفەرەنتسيادا قر پرەزيدەنتى جانىنداعى قازاقستان ستراتەگيالىق زەرتتەۋلەر ينستيتۋتىنىڭ ديرەكتورى ەرلان قارين ءمالىم ەتتى»، — دەپ جازادى قازاقپارات.

«2016 جىلدىڭ باسىندا قازاقستاندا 600-دەن استام قىتايلىق كومپانيا ءوز قىزمەتىن جۇزەگە اسىرعان بولاتىن. بۇل 2013 جىلمەن سالىستىرعاندا جالپى 35 پايىزعا ءوسىمدى كورسەتىپ وتىر»، — دەدى ە.قارين.

ونىڭ ايتۋىنشا، تىركەلگەن قىتايلىق كومپانيالاردىڭ باسىم بولىگى ساۋدا جانە قۇرىلىس سالاسىندا جۇمىس ىستەيدى.

«قازاقستاندا جۇمىس ىستەيتىن شەتەلدىك قاتىسۋشىلارى بار كومپانيالار سانى بويىنشا قىتاي رەسەي، تۇركيا، نيدەرلاندى جانە گەرمانيادان كەيىن 5-ءشى ورىندا تۇر. ولاردىڭ ۇلەسىندە 9 مىڭنان استام كومپانيا بار»، —  دەدى ول.

ينستيتۋت ديرەكتورىنىڭ دەرەكتەرىنە قاراعاندا، 2010-2015 جىلدارى قىتايدان قازاقستانعا كەلگەن شەتەلدىك ينۆەستيتسيانىڭ جالپى كولەمى 10 ملرد. اقش دولللارىنان اسىپ جىعىلادى. بۇل كورسەتكەش بويىنشا قىتاي 4-ءشى ورىندا تۇر.

اباي-اقپارات