بالالار مىنگەن قايىق داۋىل كەزىندە اۋدارىلىپ كەتكەن. رەسەي تجق وقيعا پرياجينسكى اۋدانىندا بولعانىن ايتادى. تەرگەۋ كوميتەتىنىڭ وكىلى ۆلاديمير ماركين سۋعا باتىپ كەتكەندەردىڭ ىشىندە ەرەسەك ادامدار جوق دەيدى.

كارەلياداعى مادەنيەت مينيسترلىگىنىڭ تۋريزم باسقارماسىنىڭ باسشىسى ەكاتەرينا بيكتيميروۆا تاسس اگەنتتىگىنە كولدە 49 ادام بولعانىن، ولاردىڭ ىشىندە 12-15 جاستاعى جاسوسپىرىمدەر بولعانىن ايتادى. ولار ەكى قايىقپەن قاتار ءجۇزىپ وتىرعان.

ماسكەۋ مەرى سەرگەي سوبيانين تۆيتتەرگە سياموزەر كولىندە الدىن-الا مالىمەت بويىنشا ماسكەۋدىڭ بالالارى قايتىس بولعانىن جازدى. ول ماسكەۋدەن كارەلياعا توتەنشە جاعدايلار مينيسترلىگىنىڭ وكىلدەرى مەن دارىگەرلەر جىبەرىلگەنىن حابارلاعان.

تەرگەۋ كوميتەتى وقيعاعا قاتىسى بار ءتورت كۇدىكتىنى ۇستاعان. ونىڭ ىشىندە بالالارمەن شىققان ەكى ينسترۋكتور بولعان دەپ حابارلايدى ينتەرفاكس.

ەسسويل اۋىلىنىڭ باسشىسى اندرەي ورەحانوۆ ەحو موسكۆا راديوسىنا جەرگىلىكتى بيلىك بالالار لاگەرىنىڭ جاعدايىنا قاتىستى وسىعان دەيىن دە بىرنەشە رەت ەسكەرتۋ جاساپ كەلدى دەدى.

اباي-اقپارات