ء"بىز "ازاتتىقتىڭ" قىزمەتىنەن تەك پايدا كوردىك. اقاەۆ جانە باقاەۆ ەلدى باسقارىپ تۇرعان كەزدە، راديونىڭ قىزمەتكەرلەرى رەسپۋبليكاداعى دەموكراتيانى دامىتۋعا ۇلكەن ەڭبەك ءسىڭىردى. ەندى قوعامعا ۇلكەن پايدا اكەلگەن مەديانى جاۋ ەتۋگە تىرىسىپ جاتىرمىز. كوميتەتتىڭ وتىرىسى كەزىندە زاڭ جوباسىنىڭ شيكى ەكەنىن كورىپ وتىرمىز. ەگەر ءبىز قۇجاتتى وسىلاي شيكى كۇيىندە قابىلدايتىن بولساق، ەلدە ءسوز بوستاندىعى شەكتەلەدى", - دەدى دەپۋتات مومبەكوۆ.

ەسكە سالا كەتەيىك، 2016 جىلدىڭ 10 ماۋسىمىندا ءبىر توپ دەپۋتاتتار "باق تۋرالى" زاڭعا وزگەرىستەر مەن تۇزەتۋلەر ەنگىزۋ جونىندەگى زاڭ جوباسىن ۇسىنعان. وندا شەتەل ازاماتتارىنا جانە شەتەلدىك زاڭدى تۇلعالار ءۇشىن قىرعىزستاندا باق-قا يەلىك ەتۋگە تىيىم سالىنۋ كوزدەلگەن. ەندى بۇل ماسەلەنى تالقىلاۋدى دەپۋتاتتار كەلەسى اپتاعا شەگەردى.

الدىن ازاماتتىق قوعام وكىلدەرى مەن قۇقىق قورعاۋشىلار جوگوركۋ كەنەش دەپۋتاتتارىنان اتالعان زاڭ جوباسىن قابىلداماۋعا شاقىرعان.

اباي-اقپارات