قازاقستاننىڭ ۇكىمەت باسشىسى كارىم ءماسىموۆ  قر ۇلتتىق قور قارجىسىن ۇتىمدى پايدالانۋدىڭ جولىن كاسىپكەرلەردەن سۇرادى،  دەپ حابارلايدى ء«ىnformburo.kz» سايتى.

«اتامەكەن» ۇكپ-نىڭ ءۇشىنشى سەزىندە ءسوز سويلەگەن ۇكىمەت باسشىسى كارىم قاجىمقانۇلى مەملەكەت باسشىسىنىڭ ىشكى رەسۋرستاردى (ۇلتتىق قور قارجىسىن) مەملەكەتتىك باعدارلامالار شەڭبەرىندە  وڭتايلى رەتتەۋدى تاپسىرعانىن ايتىپ، قازاقستاندىق كاسىركەرلەرگە قولداۋ كورسەتۋ ماقساتىندا ناقتى شارالاردى ۇيىمداستىرۋدى ۇسىنعان. دالىرەك ايتساق، پرەمەر-مينيستر بۇل تاپسىرمانى تيمۋر قۇلىباەۆقا مىندەتتەپتى.

«مەن  سىزدەن اتالعان جۇمىسقا ۇلكەن جاۋاپكەرشىلىكپەن قاراۋىڭىزدى جانە كىرىسۋىڭىزدى وتتىنەمىن. جانە بۇل قارجىلار ءوز باعىتىندا جۇمسالۋىن تاپسىرامىن. ەلىمىزدەگى شاعىن جانە ورتا كاسىپكەرلىكتى دامىتۋعا جانە جۇمىسپەن قامتۋ سەكىلدى باعدارلامالار ىلگەرى جۇرۋىنە جۇمسالۋىن تاپسىرامىن»،-دەدى كارىم قاجىمقانۇلى.

سونىمەن قاتار، پرەمەر-مينيستر قر ۇكىمەتىنىڭ ۇلتتىق قور قارجىسىن وڭتايلى رەتتەۋدى قولعا العانىن جانە قازىرگى تاڭدا اتالعان باعىتتا ساراپتامالار جۇرگىزىلىپ جاتقانىن دا مالىمدەگەن.

«قلتتىق قور – بۇل ۇكىمەتتىڭ ەمەس، ەلىمىزدىڭ ورتاق قازىناسى. بۇل ازىرگە اككۋمۋلياتسايالانىپ تۇرعان ەلىمىزدىڭ بارلىق ازاماتتارىنىڭ قازناسى. سوندىقتان، ەندىگى مىندەت ۇلتتىق قور رەسۋرسىن ءتيىمدى رەتتەۋ بولماق. قوردىق قاي بولىگى ۇق-دا قالادى؟ قاي بولىگى بيۋدجەتكە اۋدارىلۋى ءتيىس؟ جانە ءبىز ونى قالاي جۇزەگە اسىرۋىمىز كەرەك؟ ەگەر وسىعان قاتىستى قانداي دا ءبىر ۇسىنىستارىڭىز بولسا، ءبىز ءوز ىشىمىزدە تالقىلاۋىمىز كەرەك. ءبىز ءسىزدىڭ ۇسىنىستارىڭىزدى ۇلكەن ىجداھاتتىلىقپەن تىڭايمىز»،-دەدى ءماسىموۆ مىرزا.

پرەمەر-مينيستروسىعان دەيىن ازاماتتاردىڭ جەكە جيناق قورلارىن مەملەكەت بيۋدجەتىنە جۇمساۋ كەرەكتىگىن ايتقان بولاتىن. ءماسىموۆ مىرزانىڭ ويىنشا، رەسۋرستى اكىمشىلىك باقىلاۋدان، نارىقتىق قودانىسقا تۇسىرگەن الدەقايدا ءتيىمدى-مىس.

«قازىر مۇنداي مۇمكىندىك بار. وكىنىشكە وراي، قازىر ءبىز تەك اكىمشىلىك باقىلاۋ جۇرىگىزىپ وتىرمىز. دەسە دە بۇل ءبىزدىڭ قارجى ەمەس، سالىمشىلاردىڭ قاراجاتتارى. دالىرەك ايتساق – بۇل ءبىزدىڭ زەينەركەرلەرىمىزدىڭ اقشاسى. وسىعان قاتىستى مەن سىزدەردىڭ ۇسىنىستارىڭىزدى تىڭداماس دەيمىن.  قازىر ول ۇلتتىق بانكتىڭ باقىلاۋىندا. ءبىز بۇل قاراجاتتاردىڭ قالاي جانە قانداي ماقساتتارعا جۇمسالىپ جاتقانىن، كەلەشەكتە قالاي بولاتىنىن ءبىلۋىمىز كەرەك»،-دەيدى پرەمەر-مينيستر مىرزا.

«اتامەكەن» ۇكپ-نىڭ ءۇشىنشى سەزى 16 ماۋسىم كۇنى وتكەن بولاتىن. ونىڭ جۇمىسى بارىسىندا  پرەزيدۋم مۇشەلەرىن قايتا سايلاعان.  داريعا نازارباەۆا مەن ايگۇل سولوۆەۆا ۇلتتىق كاسىپكەرلەر پالاتاسىنداعى مۇشەلىك مىندەتتەرىنەن بوساتىلىپ، توراعا ابىلاي مىرزاحمەتوۆتىڭ وكىلەتتىلىگى تاعى 2 جىلعا ۇزارتىلدى.

نۇرزات توعجان 

Abai.kz