قازاقستان رەسپۋبليكاسى مادەنيەت جانە سپورت مينيسترلىگى  قازاقستان تاۋەلسىزدىگىنىڭ 25 جىلدىعىنا وراي تىلدەردى دامىتۋ جانە قوعامدىق-ساياسي جۇمىس كوميتەتىمەن بىرلەسىپ، ۇستىمىزدەگى جىلدىڭ 24 ماۋسىمىندا ء«تىل مەرەيى» رەسپۋبليكالىق شاراسىن وتكىزەدى، - دەپ حابارلايدى اباي-اقپارات.

 بۇل شارا مەملەكەتتىك ءتىلدى تۇرعىندارعا ۇيرەتەتىن وقىتۋشىلاردىڭ كاسىبي بىلىكتىلىگىن جەتىلدىرۋ، ونلاين ادىسىمەن  وزىق تاجىريبەلەردى الماسۋ جانە مەملەكەتتىك ءتىلدى وقىتۋ ورتالىقتارىنىڭ وقىتۋشىلارىن ىنتالاندىرۋدى باستى ماقسات ەتىپ وتىىر. 

قوستاناي وبلىسى تىلدەردى وقىتۋ ورتالىعىنىڭ بازاسىندا وتەتىن شاراعا ادىسكەر-عالىمدار، ءتىل ماماندارى، ءتىل ۇيرەنۋشىلەر، استانا، الماتى قالالارى جانە وبلىس ورتالىقتارىنداعى مەملەكەتتىك ءتىلدى وقىتۋ ورتالىقتارىنىڭ وقىتۋشى ادىسكەرلەرى قاتىسادى.

شارا بارىسىندا ادىسكەر-عالىمدار مەملەكەتتىك ءتىلدى وقىتۋدىڭ ءتيىمدى تەحنولوگيالارى جانە ءادىس-تاسىلدەرىمەن ءبولىسىپ، پانورامالىق ساباقتارمەن قاتار ونلاين رەجيمىندە شەبەرلىك ساباقتارىن كورسەتەدى.

اباي-اقپارات