قر پرەمەر-ءمينيسترى كارىم ءماسىموۆ «اتامەكەن» قر ۇلتتىق كاسىپكەرلەر

پالاتاسىنىڭ ءىىى سەزى كەزىندە بولاشاقتا الەم ەكونوميكاسىن وزگەرىستەرگە ۇشىراتۋى

مۇمكىن نەگىزگى جاھاندىق ترەندتەردى اتادى.

«مەن وتە كوپ نارسەنى وزگەرتە الاتىن نەگىزگى ءۇش

ترەند بار دەپ ويلايمىن. ءبىز سىزدەرمەن الداعى 10 جىل ىشىندە ءداستۇرلى ەمەس

كوزدەردەن، ءبىرىنشى كەزەكتە كۇننەن الىنعان ەلەكتر ەنەرگياسىنىڭ قۇنى ەڭ كەمىندە

كومىرسۋتەكتەردەن الىناتىن ەلەكتر ەنەرگياسىنىڭ قۇنى دەڭگەيىندە، مۇمكىن، ءتىپتى،

ودان ارزان بولاتىن بولادى دەپ ويلايمىن. مىسالى، بىرىككەن اراب امىرلىكتەرىندە

ەلەكتر ستانساسىن كىم سالاتىنىنا تەندەر وتكىزگەن، ال مەملەكەت بىردەن ءبىر ساتىپ

الۋشى بولادى. بىزدە دە بىرىڭعاي ساتىپ الۋشى وپەراتور قۇرىلۋدا، ول 2019 جۇمىس

ىستەي باستايدى. مۇندايدا ەلەكتر ەنەرگياسىنىڭ قۇنى 3 تسەنتتى قۇرايدى، بۇل مۇلدەم

باسقاشا باعا»، - دەدى ك.ءماسىموۆ.

سونىمەن قاتار پرەمەر-مينيستر كۇن باتارەيالارى

نارىعىنىڭ قارقىندى دامۋى مەن اۆتوموبيل قۇراستىرۋ سالاسىنىڭ وزگەرگەنىن اتاپ

ءوتتى.

«اۆستراليادا، اقش-تا جاڭا پلاستينالار، كۇن

باتارەيالارى پايدا بولىپ جاتىر، ولاردى ۇيلەردىڭ شاتىرلارىنا قويۋعا بولادى – بۇل

ءبىرىنشى ماسەلە، ەكىنشى ماسەلە – جاڭا

تەحنولوگيانىڭ كومەگىمەن ءۇيدىڭ جەرتولەسىنە جاڭا باتارەيا قويۋعا بولادى، ياعني ءۇي

سىرتقى كوزدەردەن ەنەرگيا الۋعا تاۋەلسىز بولادى، مۇنىڭ ناتيجەسىندە ەلەكتر

ستانسالارىندا، تۇرعىن ءۇي-كوممۋنالدىق شارۋاشىلىقتا باسقا دا وزگەرىستەر ورىن

الادى. بۇل ءبىزدىڭ ەلىمىزدە 10 جىلدان كەيىن ەمەس، 15 نەمەسە 20 جىلدان كەيىن بولسا

دا، بۇل ءبىزدىڭ ەكونوميكامىزدىڭ بۇكىل قۇرىلىمىنا قالاي ىقپالىن تيگىزەدى؟!

داميتىن ءۇشىنشى باعىت — بۇل اۆتوموبيل جاساۋ

سالاسىنىڭ وزگەرۋى. قالاساق تا، قالاماساق تا، اۆتوموبيل باسقاشا بولادى. قازىر

ءبىز ءبىر ەلدەن كەيىن ءبىر ەلدىڭ ديزەلدىك اۆتوموبيلدەردەن باس تارتىپ، باتارەيامەن

جۇرەتىن اۆتوموبيلدەرگە كوشۋ تۋرالى شەشىم قابىلداپ جاتقانىن كورىپ وتىرمىز. بۇل

ورىن العان جاعدايدا، نە ىستەۋىمىز كەرەك، مۇناي وندىرەتىن زاۋىتتار بويىنشا،

ءبىزدىڭ ءداستۇرلى اۆتوموبيل جاساۋ بويىنشا شەشىمدەر قالاي قابىلداۋىمىز كەرەك؟

بۇعان دەيىن ءالى ۋاقىت بار سياقتى، بىراق 10-15 جىل دەگەنىمىز جىلدام وتە شىعادى،

سوندىقتان ءبىز بىرىگە وتىرىپ وسى ساۋالدارعا جاۋاپ تابۋىمىز كەرەك»، - دەدى

ك.ءماسىموۆ.

اباي-اقپارات