بۇل تۋرالى وبلىس اكىمى ب.ساپارباەۆ اقتوبەدە قر پرەمەر-ءمينيسترى ك.ءماسىموۆتىڭ قاتىسۋىمەن ءوڭىردىڭ الەۋمەتتىك-ەكونوميكالىق دامۋى بويىنشا وتكەن جينالىسى كەزىندە ايتتى دەپ حابارلايدى «اقتوبە اقپارات» ورتالىعى.

بەردىبەك ساپارباەۆتىڭ ايتۋىنشا وڭىردە بولعان سوڭعى وقيعالاردى، سونىمەن قاتار وبلىستىڭ دەموگرافيالىق جانە الەۋمەتتىك-ەكونوميكالىق دامۋىن ەسەپتەگەندە كادرلىق قامسىزداندىرۋ، سونىمەن بىرگە قۇقىق قورعاۋ جانە ارنايى ورگانداردى ماتەريالدىق-تەحنيكالىق جاعىنان جابدىقتاۋ ماسەلەسى وتكىر تۇر.

سونداي-اق، قازىرگى تاڭدا نىسانداردى انتيتەررورلىق  قورعاۋدى كۇشەيتۋ، بەينەباقىلاۋ كامەرالارىنىڭ سانىن كوبەيتۋ جانە ولاردى تەحنيكالىق جاعىنان قامتاماسىز ەتۋ اسا قاجەت.

ماسەلەن، وبلىستىق ىشكى ىستەر دەپارتامەنتىن ارنايى اۆتوكولىكپەن قامتاماسىز ەتۋ رەسپۋبليكا بويىنشا ەڭ تومەنگى ورىندا، ياعني نە بارى 43% قامتاماسىز ەتىلگەن. ءىىد مەن پروكۋراتۋرا قىزمەتكەرلەرىنىڭ سانىن ءوسىرۋ دە وزەكتى ماسەلەلەردىڭ ءبىرى.

اقتوبە قالاسىنىڭ 450 مىڭ تۇرعىنىنا پروكۋراتۋرانىڭ 47 قىزمەتكەرىنەن كەلسە، 350 مىڭ تۇرعىنى بار تارازدىڭ قاداعالاۋ مەكەمەسىندە 52 ادام ەڭبەك ەتەدى.

- ارينە، شاعىن شتاتتىڭ قاداعالاۋ جۇمىستارىنىڭ ساپاسىنا، سونىڭ ىشىندە ەكسترەميزمگە قارسى وتكىزىلەتىن ءىس-شارالار كەزىندە اسەر ەتەرى ءسوزسىز. قوسىمشا شتات اشىپ، ماتەريالدىق-تەحنيكالىق بازانى جاقسارتۋعا قارجى بولۋگە كومەكتەسۋىڭىزدى سۇرايمىز، - دەدى وبلىس اكىمى پرەمەر-مينيسترگە.

سۋارمالى جەرلەردى 11 مىڭ گەكتارعا ارتتىرۋ، پيلوتتىق جوبانى جۇزەگە اسىرۋ ءۇشىن جانە رەسپۋبليكاداعى ءبىرىنشى «مال بيرجاسىنىڭ» قۇرىلىسىنا ينۆەستيتسيالىق سۋبسيديا ءبولۋ، جەكە تۇرعىن ءۇي قۇرىلىسىنا جەر ءبولۋ ماسەلەلەرىن شەشۋدە دە ءوڭىر ۇكىمەت كومەگىن قاجەت ەتەدى.  

 اباي-اقپارات