15 ماۋسىمدا جاريالانعان باياندامادا اقپان ايىنان مامىر ايى ارالىعىندا جۇرگىزىلگەن 740 تەست ءتۇرلى سەبەپتەرگە بايلانىستى كەيىنگە قالدىرىلىپ، وزگەرتىلگەن. وعان سپورتشىلاردىڭ مەكەنجايى دۇرىس كورسەتىلمەگەن نەمەسە ۇلگى دۇرىس الىنباعان دەگەن ءارتۇرلى سەبەپتەر ايتىپ كەلگەن.

قۇجات سپورتشىلاردىڭ تەستەن قاشىپ نەمەسە دوپينگ-باقىلاۋدىڭ قىزمەتكەرلەرىن قالايشا الداعاندىقتارى جونىندە دە بىرنەشە مىسال كەلتىرگەن.

باياندامادا دوپينگ-باقىلاۋ قىزمەتىنىڭ قىزمەتكەرلەرىن قاۋىپسىزدىك ورگاندارى تاراپىنان رەسەيدەن شىعارىپ جىبەرەمىز دەپ قورقىتقاندارى، دوپينگكە سىناما ۇلگىسى بار پاكەت رف كەدەن قىزمەتى تاراپىنان ۇستالعانى جايىندا جازىلعان.

بايانداما حالىقارالىق باسقارۋ ورگاندارىنىڭ رەسەي سپورتشىلارىن تامىز ايىندا وتەتىن ريو دە جانەيروداعى وليمپياداعا جىبەرۋ، جىبەرمەۋ جونىندە شەشىم قابىلدايتىن كۇننەن ەكى كۇن بۇرىن جاريالاندى.

اباي-اقپارات