بۇگىن  استانادا وتكەن «Sarap Time» پىكىرتالاس كلۋبىنىڭ كەزەكتى وتىرىسىندا «قازاقستاندىق يندۋستريا دامىتۋ ينستيتۋتى» اق باسقارما توراعاسى ايدىن كۇلسەيىتوۆ (سۋرەتتە) وسىلاي دەدى.

- نەلىكتەن حالىقتىڭ ءبىراز بولىگىندە مەملەكەتتىك ۇدەمەلى يندۋستريالىق-يننوۆاتسيالىق باعدارلاماعا سىني كوزقاراس قالىپتاستى؟ بىرىنشىدەن، بەس جىلدىڭ ىشىندە يندۋستريالىق جاعىنان مىقتى ەلدى قالىپتاستىرۋ مۇمكىن ەمەس. ادامدار 2014 جىلى قابىلدانعان باعدارلاما 2015 جىلى ناتيجە بەرەدى دەپ كۇتسە، ولاردىڭ كۇتكەنى اقتالمايتىنى تۇسىنىكتى. بۇل نەگىزسىز جانە پوپۋليستىك سارىنداعى سىن. قىتايعا قازىرگى دەڭگەيگە جەتۋ ءۇشىن 50 جىل كەرەك بولدى. قىتاي الەمدىك ەكونوميكانىڭ ليدەرى رەتىندەگى ورنىن نىعايتۋ ءۇشىن الداعى 30 جىلدى قامتيتىن تاعى ءبىر باعدارلاما قابىلدادى. ياعني، بەس جىلدىڭ ىشىندە كوپ ادامدار ارمانداپ جۇرگەن جەتىستىككە جەتۋ مۇمكىن ەمەس،­- دەيدى ايدىن كۇلسەيىتوۆ.

 «Sarap Time» ساراپتاما پىكىرتالاس كلۋبىنىڭ كەزەكتى وتىرىسىن قاتىسۋشىلارى «قازاقستان ەكونوميكاسىن يندۋستريالاندىرۋ: جاعىمدى باعىتتار VS كوزقاراس» تاقىرىبىن تالقىلاعان بولاتىن. وتىرىسقا قر ينۆەستيتسيالار جانە دامۋ مينيسترلىگىنىڭ، دامۋ ينستيتۋتى، اناليتيكالىق قۇرىلىمدار، اعىن جانە ورتا بيزنەس وكىلدەرى، مەملەكەتتىك ەمەس ۇيىمدار مەن باق وكىلدەرى قاتىستى.

وسى وتىرىستا ايتىلعانداي، 2010-2014 جىلدار ارالىعىندا ەلىمىزدەگى جۇمىس ورىندارىنىڭ ۇلەسى 720 مىڭعا ارتقان. وسى كورسەتكىشتەن ءاربىر بەسىنشى جۇمىس ورنى (160 مىڭ، 22 %) يندۋستريالاندىرۋ مەملەكەتتىك باعدارلاماسىنىڭ ارقاسىندا اشىلعان. اعىمداعى جىلى باعدارلاما اياسىندا 120 جوبا جۇزەگە اسىرىلىپ، 14 مىڭ جاڭا جۇمىس ورنى اشىلۋعا ءتيىس. 

اباي-اقپارات