پاسپورتتىڭ جاڭا ۇلگىسىندە اتى-ءجونى، ازاماتتىعى، تۋعان كۇنى مەن جىلى، تولقۇجاتتى قولدانۋ مەرزىمى جانە يەسىنىڭ قولى كورسەتىلگەن. ۇلتى، تۇراتىن جەرى، ازاماتتىق جاعدايى جانە وتباسى تۋرالى مالىمەت تۋرالى اقپاراتتىڭ ءبارى ەلەكتروندى چيپتە ساقتالعان.

تولقۇجاتتىڭ جاڭا ۇلگىسى مەكەمەارالىق كوميسسيانىڭ وتىرىسىندا قارالادى، ەگەر قابىلدانعان جاعدايدا زاڭدىق كۇشىنە يە بولادى. ازاماتتارعا جاڭا پاسپورت جىل سوڭىندا بەرىلە باستايدى. ال ازاماتتاردىڭ قازىرگى قۇجاتتارى پايدالانۋ مەرزىمى اياقتالعانشا جارامدى بولادى.

جاڭا پاسپورت ۇلگىسىندەگى ۇلتىن كورسەتەتىن "بەسىنشى گرافانىڭ" بولماۋى الەۋمەتتىك جەلىلەردە ۇلكەن داۋ تۋعىزدى. ءبىرى مۇنى ارانداتۋ ءىسى دەسە، ەندى ءبىرى ەلدە بىرلىك پەن كەلىسىمدى نىعايتۋدىڭ بەلگىسى دەپ قابىلدادى.

"بەسىنشى گرافانى" الىپ تاستاۋ جونىندەگى ۇسىنىس ءبىرىنشى رەت 2011 جىلى ىستىق كولدە وتكەن كونفەرەنتسيادا كوتەرىلگەن.

اباي-اقپارات