بۇگىن ۇكىمەت وتىرىسىندا اسقار مىرزاحمەتوۆ قر ۆيتسە-پرەمەر-ءمينيسترى بولىپ تاعايىندالدى،-دەپ حابارلايدى Tengrinews.kz.

«اسقار مىرزاحمەتوۆ قر اۋىلشارۋاشىلىق مينيسترلىگىمەن قاتار، پرەمەر-ءمينيستردىڭ ورىنباسارى بولىپ تاعايىندالدى. ەندى بىزگە  ىشكى مىندەتتەردى رەتتەۋ كەرەك. باقىتجان ءابدىرۇلى، ءسىز قاداعالايتىن اۋىلشارۋاشىلىقتى قايتا ءبولۋ كەرەك. مەنىڭ ويىمشا، مەملەكەت باسشىسىنىڭ تىكەلەي تاپسىرماسىمەن قۇرىلعان «جەر رەفورماسى تۋرالى» كوميسسيانى دا مىرزاحمەتوۆ مىرزانىڭ قاراۋىنا تاپسىرۋ كەرەك. سوندىقتان كەلەسى وتىرىستى بىرگە وتكىزىڭىزدەر دە، ءارى قاراي ءوزىڭىز جۇرگىزەتىن بولاسىز. سىزگە ارتىلعان مىندەتتەر كۇردەلى، ماڭىزدى. جۇمىسىڭىزعا تابىس تىلەيمىن!»،-دەدى ۇكىمەت باسشىسى كارىم ءماسىموۆ.

پرەمەر-ءمينيستردىڭ ايتۋىنشا، ەندىگى جەردە اسقار مىرزاحمەتوۆ قر اۋىلشارۋاشىلىق ءمينيسترى مەن پرەمەر-ءمينيستردىڭ ورىنباسارى قىزمەتتەرىن قاتار اتقاراتىن بولادى.

وسىعان دەيىن اسقار مىرزاحمەتوۆ «نۇر وتان» پارتياسى توراعاسىنىڭ ءبىرىنشى ورىنباسارى، وڭتۇستىك قازاقستان وبلىسى اكىمى (2009-2015 جج.) قىزمەتتەرىن اتقارعان. سونىمەن قاتار، اسقار يسابەكۇلى، ءار جىلداردا قازاقستاننىڭ وزبەكستان رەسپۋبليكاسىنداعى توتەنشە جانە وكىلەتتى ەلشىسى بولدى. سونداي-اق، 2005-2006 جىلدارى قر اۋىلشارۋاشىلىق ءمينيسترى بولىپ قىزمەت ەتكەن.

2016 جىلدىڭ مامىرىنان باستاپ، پرەزيدەنت جارلىعىمەن قازاقستاننىڭ اۋىرشارۋاشىلىق ءمينيسترى بولىپ تاعايىندالعان.

Abai.kz