ەرەۆاندا رەسەيمەن بىرلەسكەن قورعانىس جۇيەسىن قۇرۋعا قارسىلىق ءبىلدىرىپ جاتىر
ارمەنيا پارلامەنتى الدىندا رەسەيمەن اۋە شابۋىلىنا قارسى بىرلەسكەن قورعانىس جۇيەسىن قۇرۋعا نارازىلىق بىلدىرگەن اكتسياعا بىرنەشە ونداعان ادام قاتىستى دەپ حابارلايدى ريا نوۆوستي اقپارات اگەنتتىگى.
نارازىلىق شاراسىنا قاتىسۋشىلار دەپۋتاتتاردان رەسەيمەن اۋە شابۋىلىنا قارسى بىرلەسكەن قورعانىس جۇيەسىن قۇرۋدى قولداماۋعا شاقىرعان.
ء"بىز — ەلدىڭ يەسىمىز" دەپ اتالاتىن باستاماشىل توپتىڭ وكىلى مۋشەگا دانيەليانا بۇل كەلىسىم ارقىلى رەسەي ارمەنيانى باقىلاۋىندا ۇستاعىسى كەلەدى ءارى قاراباققا قاۋىپ ءتونۋى مۇمكىن دەيدى.
الايدا ارمەنيا بيلىگى بىرلەسكەن قورعانىس جۇيەسىن قۇرۋ ەلدىڭ ەگەمەندىگىنە قاۋىپ توندىرمەيدى دەيدى. پارلامەنتتىڭ ۆيتسە-سپيكەرى جانە بيلىكتىڭ رەسپۋبليكالىق پارتياسىنىڭ ءباسپاسوز حاتشىسى ەدۋارد شارمازانوۆ اتالعان كەلىسىمنىڭ تاۋلى قاراباققا ەش قاتىسى جوق ەكەنىن ايتىپ، بۇل ارمەنياعا رەسەيدىڭ كەڭ مۇمكىندىگىن پايدالانۋعا رۇقسات بەرەدى دەپ مالىمدەگەن.
بۇگىن ارمەنيا پارلامەنتى كەزەكتەن تىس وتىرىسىندا كۇن تارتىبىنە ارميان-رەسەي بىرلەسكەن اۋە شابۋىلىنا قارسى قورعانىس جۇيەسىن قۇرۋ جونىندەگى كەلىسىمدى راتيفيكاتسيالاۋ ماسەلەسىن ەنگىزدى.
اباي-اقپارات
