جاقىندا اقتوبەدە بولعان تەراكتىدەن سوڭ، ەل ىشىندە الىپ-قاشپا اڭگىمەلەردىڭ قاپتاپ كەتكەنى ءمالىم. ءداستۇرلى ەمەس ءدىني اعىم وكىلدەرى اتىس-شابۋىلداردى دوعارماي تۇر دەگەن سىبىستار دا باق پەن الەۋمەتتىك جەلىلەردە ءجيى ايتىلىپ ءجۇر.

ءوزىن لاڭكەستەر اراسىنان تاپقان اقتوبە قالاسىنىڭ تۇرعىنى دانيار ۋايسوۆتى بەلگىسىز بىرەۋلەر ء(دىني اعىم وكىلدەرى) اتىپ كەتىپتى دەگەن اقپاراتقا تاراپتى. وسىعان بايلانىستى دانيار ۋايىسوۆ Instagram جەلىسىندەگى aktobe_zello پاراقشاسىندا بەينەۇندەۋ جاساپ، باق-تار مەن ينتەرنەت-باسىلىمداردان «جالعان مالىمەت تاراتقانى ءۇشىن» كەشىرىم سۇراۋىن تالاپ ەتتى.

بەينە جازبادا دانيار ءوزىنىڭ امان-ساۋ ەكەندىگىن ايتىپ، ءوزى تۋرالى قاۋەسىتتىڭ جالعان ەكەندىگىن ايتقان.  

«سالاماتسىزدار ما، قازاقستاندىقتار! مەن - ۋايسوۆ دانيار رامازانۇلىمىن، اقتوبە قالاسىنىڭ تۇرعىنىمىن. بۇگىن، 2016 جىلدىڭ 12 ماۋسىمىندا بارلىق باق-تار مەن ينتەرنەت-سايتتارىندا مەنى ءولتىردى دەپ حابارلاما بەرگەن بولاتىن. بىراق وزدەرىڭىز كورىپ وتىرعانداي، ەگەر مەن ۆيدەو ءتۇسىرىپ وتىرعان بولسام، مەنىڭ ناعىز ءتىرى ەكەنىمدى كورىپ وتىرسىزدار. سول سەبەپتى قۇقىق قورعاۋ ورگاندارىنىڭ باسپاسوزىنەن جانە ينتەرنەت-سايتتارىنان جالعان حابارلاما تاراتقانى ءۇشىن مەنەن كەشىرىم سۇراۋىن جانە ءتىرى ەكەنىمدى كورسەتۋىن تالاپ ەتەمىن»،-دەپ مالىمدەدى جىگىت.

Abai.kz