قىرعىزستاننىڭ بۇرىنعى مەملەكەتتىك حاتشىسى ۇقمك تەرگەۋ اباقتىسىنا جابىلدى
ۇلتتىق قاۋىپسىزدىك مەملەكەتتىك كوميتەتىنىڭ مالىمەتىنشە، داستان سارىگۋلوۆ بيلىكتى كۇشپەن تارتىپ الۋعا دايىندالدى دەلىنگەن ك.كادىروۆ، ب.اسانوۆ، د.سارىگۋلوۆتار ىستەرى بويىنشا تەرگەۋ بارىسىندا انىقتالعان تاعى ءبىر جاڭا ىسكە قاتىسى بولىپ شىققان.
ۇلتتىق قاۋىپسىزدىك مەملەكەتتىك كوميەتى (ۇقمك) جۇرگىزىپ جاتقان تەرگەۋ ءىسى بارىسىندا "كامەكو", "قۇمتور وپەرەيتينگ", "قۇمتور گولد", "تسەنتەررا گولد" كومپانيالارىنىڭ بۇرىنعى پرەزيدەنتى لەونارد حومەنيۋكتىڭ ارىزى بويىنشا "قۇمتور" جوباسىن دا قاراپ جاتىر. وندا ارىزدانۋشى "قىرعىزالتىن" ااق بۇرىنعى پرەزيدەنتى سارگۋلوۆتىڭ 1992-1999 جىلدارى "قۇمتور" جوباسىنا جەتەكشىلىك ەتكەن كەزدەگى كوررۋپتسيالىق ارەكەتى بويىنشا دالەل كەلتىرگەن.
ۇقمك سونىمەن بىرگە تەرگەۋ بارىسىندا ايىپتالىپ وتىرعان ازاماتتاردىڭ اقاەۆ پەن باكيەۆتەردىڭ وتباسىنا جاقىن ادامدارعا قاتىسى بارىن انىقتاعانىن ايتادى. ولاردىڭ قۇمتور جوباسىنداعى كوررۋپتسيالىق جوپسارلارى دا بەلگىلى بولعان.
تەرگەۋ ءىسى ۇستىمىزدەگى جىلدىڭ ناۋرىز جانە مامىر ايىندا ولاردىڭ ەلدەگى جاعدايدى تۇراقسىزداندىرماق بولعان ارەكەتتەرى، بيلىكتىڭ "قۇمتور" جوباسىنداعى كوررۋپتسيالىق سىزبانى تەكسەرۋگە بەلسەندى كىرىسكەنىنە بايلانىستى ەكەنىن جوققا شىعارمايدى.
اباي-اقپارات
