وڭتۇستىك قازاقستان وبلىسى ەلىمىزدىڭ وڭىرلەرى اراسىنان ءبىرىنشى بولىپ بىرىككەن اراب امىرلىگىنە ەت ەكسپورتتاۋدى باستادى دەپ حابارلايدى وقو اكىمىنىڭ ءباسپاسوز قىزمەتى.
تاياۋدا شىمكەنت حالىقارالىق اۋەجايىنان 1 مىڭ باس ۋاق مال فۋدجەيرا ء(باا) قالاسىنا جەتكىزىلدى. وبلىستىق اۋىل شارۋاشىلىعى باسقارماسىنىڭ قولداۋىمەن ۇيىمداستىرىلعان جۇمىستاردىڭ ەكسپورتتاۋشىسى «قايىپ اتا» كومپانياسى بولىپ تابىلدى. 
ايتا كەتەرلىگى، بىرىككەن اراب امىرلىگىنە ەتتى ەكسپورتتاۋ بويىنشا كەلىسسوزدەر 5 ايدان استام ۋاقىت ىشىندە جۇرگىزىلدى.
كەلىسىمشارت اياسىندا وسى جىلدىڭ تامىز ايىنا دەيىن جەرگىلىكتى كاسىپكەرلەر ءباا-گە 60 مىڭ باس ۋاق مال جەتكىزەتىن بولادى.
سونىمەن قاتار، وسى باعىتتاعى كەلىسسوزدەر ساۋد ارابياسى، يران جانە يراك مەملەكەتتەرىمەن دە جۇرگىزىلۋدە. جىل سوڭىنا دەيىن 1,5 مىڭ توننا ەتتى ەكسپورتقا جونەلتۋ جوسپارلانعان.

اباي-اقپارات