وسىدان 10 شاقتى جىل بۇرىن. اللامدى تانىپ، نامازدىڭ نە ەكەنىن بىلە باستاعان كەزىم. ءبىرىنشى ناماز وقىعان كەزدە تۇك تە بىلمەيمىن، مەنىڭ العاشقى جۇما نامازىم ەدى. جاماعات توڭقايسا مەن دە توڭقايىپ، تۇرسا مەن دە تۇرىپ، ءبىرىنشى رەت قۇلشىلىق جاساپ كوردىم. ءسويتىپ " جۇماباي" بولىپ ءجۇردىم. ءبىرشاما ۋاقىت.

ول كەزدە ساباقتى تەك اۋديو رەتىندە تىڭدايتىنبىز. باسقا جولى جوق ەدى، ول ۋاقىتتا. ءبارىمىزدىڭ تەلەفونىمىز ءدىني ۋاعىزدارعا تولى. دارىن، رينات، ابۋ ماريام جانە سايد بۋرياتسكي ەدى تىڭدايتىن "عۇلامالارىمىز". مازحاب، اقيدا، ءسالافي دەگەن تۇسىنىك مۇلدەم جوق. ادەمى سويلەيتىن. سوندا ءبىر ۆيدەو كوردىم. سايد بۋرياتسكي، ورماندا، قولدارىندا قارۋى بار، ۋاعىز ايتىپ وتىر. يبن تەيميانىڭ "فۋرحانى (سەكتانى) قالاي اجىراتۋعا بولادى" دەگەن ساباعىن. ول كەزدە ولار ء"بىز ءسالافپىز" دەپ ءالى بولىنبەگەن ەدى. سوندا ايتادى: فۋرحا ەكەنىن ءبىلۋ ءۇشىن بىرنەشە بەلگى بار. سونىڭ ەڭ ەسىمدە قالعان بەلگىسى "وزىنە ات بەرىپ جاماعاتتان ءبولىنۋى". قالاي وزدەرىن ء"سالافپىز" دەپ اتاعان كەزدە بىردەن توقتادىم. وزدەرىنە اتاۋ بەردى، جاماعاتتان ءبولىندى. ءتىپتىم ناماز وقىماي كەتتىم عوي. كەيىننەن باستاپ بىردە وقىپ، بىردە وقىماي ءجۇرمىن، وسى ۋاقىتتا. ول باسقا اڭگىمە ەندى.

ايتپاعىم، مەشىتتە وتىرعان كەيبىر يمامداردىڭ مۇلدە ءبىلىمى جوق. قويعان سۇراعىڭا جاۋاپ تاپپايسىڭ. مىنا اداسىپ جۇرگەن جىگىت-قىزداردىڭ وسىلاي اداسۋىنا تىكەلەي ءدىني باسقارمانىڭ كىناسى بار. مەشىتكە يمامدىققا، جانازا شىعارۋعا، ءبىر جەرگە بارىپ قۇران وقىپ بەرۋگە تالاسىپ جۇرمەي، وسىنىڭ باسىندا بولۋ كەرەك ەدى. ەرەگىسىپ "ولار اداسقاندار عوي" دەپ جابىلىپ الماي، سولارمەن جۇمىس ىستەۋ كەرەك ەدى. وزدەرى جىبەردى جاستاردى سول اراب ەلدەرىنە بارىپ ءىلىم الىپ كەلۋگە. كەيىن وزدەرى سول جاستارمەن سوعىسا باستادى. بۇل سوعىستىڭ اياعى جوق. ءسالافتار بىتكەن سوڭ جاڭا جاۋ پايدا بولادى. كىم ولار؟ ءتۇبى جاي ناماز وقيتىندارعا جەتەتىن بولادى وسىنىڭ ءبارى. تىعىلىپ، جاسىرىن ىستەيتىن بولاسىڭدار قۇلشىلىقتارىڭدى.

نۇرلان قۇلىمبەتوۆ

Facebook-تەگى پاراقشاسىنان