تانىمال قازاقستاندىق پروديۋسەر بايان ەسەنتاەۆاعا قاستاندىق جاسالدى دەگەن اقپارات كەشەلى-بەرى باق نازارىن بۇردى.

الماتى وبلىسى ماڭىنداعى جانارماي قۇيۋ بەكەتتەرىنىڭ بىرىندە بولعان قاستاندىقتان پروديۋسەر اۋىر جاراقات الىپ، تالعار قالاسىنداعى اۋرۋحاناعا جەتكىزىلگەن، -دەپ حابارلايدى اا «نوۆوستي-كازاحستان» پورتالى.

«الماتى-كوكپەك-كوكتال» باعىتىنداعى داڭعىل جولدا ورنالاسقان جانارماي بەكەتىندە تەنامىل پروديۋسەرگە پىشاق جۇمسالعانى دا ءمالىم بولدى.

الماتى قالالىق ءىىد ءباسپاسوز قىزمەتى بۇل اقپاراتتى راستاپ وتىر. اتالعان ءىس بويىنشا قازىر سوت الدى تەرگەۋ امالدارى جۇرگىزىلۋدە. ءىىد دەرەكتەرىنە سۇيەنسەك، پروديۋسەرگە قاستاندىق جاساعان ءوزىنىڭ كۇيەۋى بولۋى مۇمكىن.

«تەرگەۋ امالدارى قر قك 106-بابى بويىنشا، «اۋىر دەنە جاراقاتىن كەلتىرۋ» دەگەن ايىپ نەگىزىندە جۇرگىزىلۋدە. قازىرگى تاڭدا كۇدىكتى رەتىندە ۇستالعان ازاماتقا تاعىلاتىن ايىپ قاراستىرىلىپ، شەشىلۋدە»، -دەيدى وبلىستىق پروكۋراتۋرا.

«قازينفورم» مالىمەتتەرىنە سۇيەنسەك، بايان ەسەنتاەۆا تالعار اۋداندىق اۋرۋحاناسىنا جەتكىزىلگەن. وقيعا 10 ماۋسىم كۇنى كۇندىزگى 12:15-تەر شاماسىندا ورىن العان. كەيىن بەلگىلى بولعانداي پروديۋسەر بايان ەسەنتاەۆا ءوزىنىڭ كۇيەۋى باقىتبەك ەسەنتاەۆپەن كيكىلجىڭگە كەلگەن. سالدارىنان اشۋعا بۋلىققان باقىتبەك ەسەنتاەۆ پروديۋسەرگە قول جۇمساعان.

Abai.kz