2016 جىلعى 10 ماۋسىمدا الماتى وبلىسى تالعار اۋدانىندا «جەتىسۋ ينۆەست - 2016» - «جىبەك جولىن جاڭعىرتۋ ارقىلى جاڭا مۇمكىندىكتەرگە جول اشۋ» اتتى حالىقارالىق ينۆەستيتسيالىق فورۋم وتەدى، - دەپ حابارلايدى اباي-اقپارات الماتى وبلىسى اكىمىنىڭ ءباسپاسوز قىزمەتىنە سىلتەمە جاساپ.

شاراعا الماتى وبلىسىنىڭ اكىمى اماندىق باتالوۆ، الماتى قالاسىنىڭ اكىمى باۋىرجان بايبەك قاتىسادى.

سونداي-اق، كونفەرەنتسيادا جامبىل وبلىسىنىڭ اكىمى كارىم كوكىرەكباەۆ، قر ينۆەستيتسيا جانە دامۋ ءمينيسترى اسەت يسەكەشەۆ، «قازاقستان تەمىر جولى» اق باسقارما توراعاسى اسقار مامين، سول سياقتى «اتامەكەن» كاسىپكەرلەر ۇلتتىق پالاتاسىنىڭ باسقارما توراعاسى ابىلاي مىرزاحمەتوۆتەر ءوز ويلارىن ورتاعا سالادى.

فورۋم بارىسىندا الماتى وبلىسىنىڭ جاڭا ەكونوميكالىق جاعدايلاردا ودان ءارى دامۋ پەرسپەكتيۆالارى مەن ينۆەستيتسيالىق مۇمكىندىكتەرىن تانىستىرۋ جانە وڭىردەگى ينۆەستيتسيالىق جوبالاردىڭ كورمەسىن وتكىزۋ جوسپارلانعان.

شارا باعدارلاماسى بويىنشا پلەنارلىق ءبولىم جانە ءتۇرلى ديسكۋسسيالىق وتىرىستار وتەدى. اتاپ ايتقاندا، اگروونەركاسىپتىك كەشەندى، مەملەكەتتىك-جەكەمەنشىك سەرىكتەستىكتى، ەنەرگەتيكا مەن ءتۋريزمدى، كولىك-لوگيستيكالىق جۇيەسىن دامىتۋ ماسەلەلەرى تالقىلانادى.

وتەتىن جەرى جانە ۋاقىتى: الماتى وبلىسى تالعار اۋدانى «Prak Resort «ۆوسەم وزەر» كەشەنى.

باستالۋى ساع. 09.30-دا.

Abai.kz