ايىرقالپاقتى اعايىندارىمىز تەگىندە ايتقىش قوي، قازىر ولار وزدەرى تۋرالى: «ءبىز، قىرعىزدار، ءبىر ءىس باستامايىق، ءبىر ءىس باستاساق اياعىن رەۆوليۋتسيامەن بىتىرەمىز» دەيتىن كورىنەدى. قىرعىزدىڭ توڭكەرىسشىلدىگى وكىنىشكە قاراي، وسى جاز ىستىقكول تۋريزمىنە قاتتى زيانىن تيگىزدى. كەيبىر دەرەك كوزدەرىنە سۇيەنسەك، جىل سايىن ەل بيۋدجەتىنىڭ 40-50 پايىزىن قامتاماسىز  ەتىپ كەلگەن ىستىقكول ساياسي احۋالدىڭ ىستىعى كوتەرىلگەلى بەرى سالىپ ۇرىپ سابىلىپ كەلىپ جاتاتىنداردان ساپ تيالعان. بيىلعى جاز الاتوو استىم، ايدىنعا شومىلدىم دەگەن قازاق جوق. ەسەسىنە، قازاق جەرىندەگى دەمالىس ورىندارىنىڭ باعاسى ارتىپ، قۇنى ەسەلەنىپ شىعا كەلدى. باسى اۋىرىپ بالتىرى سىزداپ جۇرگەنننىڭ دەنى بالقاشقا، اۋا جۇتا الماي القىمى ىسكەننىڭ كوبى الاكولگە، جىلىنا ءبىر رەت جاقسىلاپ دەم الىپ، جۇيكەسىن جۇمسارتپاسا بۋىنىپ ولە جازدايتىننىڭ ءبارى بۋرابايعا اعىلدى. قىسىر ءسوزدى قىستىرماي تۋراسىنا كوشسەك،  بويعا قۋات، ويعا شۋاق جيعىسى كەلگەن جاننىڭ ەلىمىزدەگى ساياجايلاردى سايالاپ كەتۋىنە تۋرا كەلدى. سوعان وراي بىزدەگى دەمالىس ورىندارىنىڭ باعاسى دا شارىقتاپ-اق باقتى. ءتىپتى، اتاقتى كولدەردىڭ اينالاسىنداعى اۋىل تۇرعىندارىنىڭ ءوزى قورا قوپسىسىن تازالاپ جىبەرىپ كادىمگى قوناق ۇيلەرگە اينالدىرا قويعانىن دا قۇلاعىمىز ەستىدى. ال، قىزمەت ساپاسى دەگەن سىن كوتەرمەيدى دەيدى بارىپ كورگەندەر.

ايىرقالپاقتى اعايىندارىمىز تەگىندە ايتقىش قوي، قازىر ولار وزدەرى تۋرالى: «ءبىز، قىرعىزدار، ءبىر ءىس باستامايىق، ءبىر ءىس باستاساق اياعىن رەۆوليۋتسيامەن بىتىرەمىز» دەيتىن كورىنەدى. قىرعىزدىڭ توڭكەرىسشىلدىگى وكىنىشكە قاراي، وسى جاز ىستىقكول تۋريزمىنە قاتتى زيانىن تيگىزدى. كەيبىر دەرەك كوزدەرىنە سۇيەنسەك، جىل سايىن ەل بيۋدجەتىنىڭ 40-50 پايىزىن قامتاماسىز  ەتىپ كەلگەن ىستىقكول ساياسي احۋالدىڭ ىستىعى كوتەرىلگەلى بەرى سالىپ ۇرىپ سابىلىپ كەلىپ جاتاتىنداردان ساپ تيالعان. بيىلعى جاز الاتوو استىم، ايدىنعا شومىلدىم دەگەن قازاق جوق. ەسەسىنە، قازاق جەرىندەگى دەمالىس ورىندارىنىڭ باعاسى ارتىپ، قۇنى ەسەلەنىپ شىعا كەلدى. باسى اۋىرىپ بالتىرى سىزداپ جۇرگەنننىڭ دەنى بالقاشقا، اۋا جۇتا الماي القىمى ىسكەننىڭ كوبى الاكولگە، جىلىنا ءبىر رەت جاقسىلاپ دەم الىپ، جۇيكەسىن جۇمسارتپاسا بۋىنىپ ولە جازدايتىننىڭ ءبارى بۋرابايعا اعىلدى. قىسىر ءسوزدى قىستىرماي تۋراسىنا كوشسەك،  بويعا قۋات، ويعا شۋاق جيعىسى كەلگەن جاننىڭ ەلىمىزدەگى ساياجايلاردى سايالاپ كەتۋىنە تۋرا كەلدى. سوعان وراي بىزدەگى دەمالىس ورىندارىنىڭ باعاسى دا شارىقتاپ-اق باقتى. ءتىپتى، اتاقتى كولدەردىڭ اينالاسىنداعى اۋىل تۇرعىندارىنىڭ ءوزى قورا قوپسىسىن تازالاپ جىبەرىپ كادىمگى قوناق ۇيلەرگە اينالدىرا قويعانىن دا قۇلاعىمىز ەستىدى. ال، قىزمەت ساپاسى دەگەن سىن كوتەرمەيدى دەيدى بارىپ كورگەندەر. «بۋرابايداعى اسقان سەرۆيستىڭ ءتۇرى سەلكىلدەگەن توڭازىتقىش پەن توبەسىنەن ءتۇيىپ قويماساڭ ءتۇيىلىپ قالاتىن تەلەديدارى بار سىڭار بولمە عانا بولدى، سونىڭ ءوزىن قوجايىن كۇنىنە جيىرما وتىز مىڭعا بۇلداپ ساتىپ وتىردى» دەيدى اقشاسىن تەككە شىعىنداپ، قالتاسىن قاعىپ قايتقان قايرات سەڭگىرباەۆ دەگەن جىگىت. «ەندى قايدا بارىپ تىنىعىپ، سەرگىپ قايتۋعا بولادى؟» دەيدى ول. قايرات قازاقستاننىڭ قاتارداعى ءبىر ازاماتى ەكەن. تابىسى وتباسىنىڭ ورتاشا تالابىن قامتاماسىز ەتۋگە جەتەتىن كورىنەدى. وسى جىلى قوسىمشا جۇمىس ىستەي ءجۇرىپ تيىن قۇراپتى. ونىسى انە الگىندەي بولعان.

قايراتتىڭ، ارينە، تۇركيا بارىپ سايرانداپ قايتۋعا قايراتى جەتكەنمەن قاراجاتى جەتپەيدى. الماتىداعى تۋراگەنتتەر سوڭعى ەكى-ءۇش جىلدىڭ كولەمىندە سىرتقا شىعىپ دەمالاتىنداردىڭ قاتارى سيرەپ قالعانىن ايتادى. ءىرى بايلار تۋرفيرمالاردىڭ جارناماسىن دا، قىزمەتىن دە قاجەت ەتپەيدى ەكەن. دەمەك، دەمالىس ماسەلەسى بىزدەگى ورتا تاپتىڭ قارجى داعدارىسىنان وڭدىرماي «سىباعا» العانىن اڭعارتسا كەرەك. الەۋمەتتىك تۇرمىسى تومەن جۇرت بىزدە ەشقاشان ارقاسىن كەڭگە سالىپ اۋناپ قۋناپ كورگەن ەمەس.

سونىمەن، ءسوزدىڭ قىسقاسى قايدا دەمالدىڭىز؟ جالپى وسى جاز دەمالدىڭىز با؟ ءبىز وسى ساۋال ارقىلى تۋريزم كلاستەرى تۋرالى، ەلىمىزدەگى ساياجايلار قىزمەتى جايىندا تولايىم اڭگىمە قوزعاعىمىز كەلگەن. الايدا ول مۇمكىن بولماي شىقتى. ويتكەنى قازاقستان ءالى جەر استى بايلىعىنا «شومىلىپ» قانا وتىر. ەڭبەك ەتىپ، كۇش جۇمساپ، تابىس اكەلەتىن باسقا سالانى تەزدەتىپ قولعا الۋعا ءتىپتى قۇلىقسىز سەكىلدى. تابىستى سالىنىڭ ءبىرى، ارينە تۋريزم بولۋعا كەرەك. بىراق، «استانانىڭ دامۋى - قازاقستاننىڭ دامۋى» دەپ ۇرانداتاتىن رەسمي استانا وزگەگە مويىن بۇرار ەمەس. داۆاي، دامىساق بىرگە دامىيىق تا!

«اباي-اقپارات»