وسى سۇراقتارعا الەۋمەتتىك جەلىلەردەن جاۋاپ ىزدەۋ بارىسىندا ءۇش ءتۇرلى ۆەرسيا تۋىنداپ وتىر: 
ا) توقتار تولەشوۆ اتتى شىمكەنتتىك بيزنەسمەن رەسەيشىل سەپاراتيستەرمەن بىرلەسىپ قازاقستاندا ساياسي-الەۋمەتتىك تۇراقسىزدىق تۋعىزۋدى كوزدەگەن 
(نەگىز: ۇقك تاراتقان رەسمي نۇسقا جانە سوڭعى كەزدەگى "رەن تۆ", "ەۆرازيا" كانالدارى تاراپىنان رەسەيشىل يدەولوگيامەن قارۋلانعان اقپاراتتىق ينتەرۆەنتسيانىڭ ۇدەۋى); 
ءا) سالافيلىك-ۋاحابيلىك باعىتتاعى يسلام راديكال جاستارىنىڭ قۇقىق قورعاۋ قىزمەتكەرلەرىمەن ارادا بولعان لوكالدى كونفليكتىسىنىڭ زاڭدى جالعاسى (نەگىز: تەرروريزم تاقىرىبىن زەرتتەپ جۇرگەن ە. قارين سياقتى ساراپشىلاردىڭ پىكىرى); 
ب) 6 شىلدە - پرەزيدەنت ن. نازارباەۆتىڭ تۋعان كۇنى قارساڭىندا الەۋمەتتىك نارازىلىقتى بولدىرماۋ جانە جەر تاقىرىبىنان حالىقتىڭ نازارىن اۋدارۋ ماقساتىندا جانە بەيبىت ميتينگىگە شىعۋ قۇقىن شەكتەۋ مەن رەپرەسسيالاردى كۇشەيتۋ ءۇشىن رەسپۋبليكانىڭ ارنايى قىزمەتى تاراپىنان جوسپارلانعان ارنايى وپەراتسيا (نەگىز: وقيعالاردىڭ بەيبىت ميتينگى ۋاقىتىنان سوڭعى تۇتقىنداۋلار مەن 6 شىلدە قارساڭىنداعى الەۋمەتتىك كوڭىل-كۇيگە تۇسپا-تۇس كەلۋى).

قاي ۆەرسيانى قولدايسىزدار؟

ۋايىس ەرسايىنۇلى

Facebook-تەگى پاراقشاسىنان