وزبەكستان مۇسىلماندارى ءدىني باسقارماسى توراعاسىنىڭ ورىنباسارى شەيح ابدۋلازيز مانسۇردىڭ سوزىنشە، كوپشىلىكپەن بىرگە اۋىز اشۋعا (يفتارعا) تيىم سالۋ يسلامنىڭ تاريحىنان بەرى بولعان.

ء"بىزدىڭ پايعامبارىمىزدىڭ زامانىندا يفتاردى كەشكى اۋىزاشارعا اس تاپپاعان ادامدارعا ارناپ دايىنداعان. الايدا ءبىزدىڭ زاماندا بۇل ءبىر توي-دۋمانعا اينالىپ كەتتى. سول سەبەپتەن دە ءبىز جەرگىلىكتى اكىمدىككە تىيىم سالۋ جونىندە ۇسىنىس جاسادىق. بۇل جىلى مەيرامحانالاردا جانە قوعامدىق تاماقتانۋ ورىندارىندا ەشقانداي يفتار بولمايدى", – دەپ حابارلادى شەيح ابدۋلازيز مانسۇر.

ول سونىمەن بىرگە بيىل وزبەكستاندىقتارعا اۋىزاشار ءراسىمىن ءوز ۇيلەرىندە داڭعازاسىز اتاپ ءوتۋ ۇسىنىلعانىن ايتادى.

ەسكە سالا كەتەيىك، وزبەكستانعا يفتارعا تىيىم سالۋ 2014-2015 جىلدارى ەنگىزىلگەن. وتكەن جىلى وزبەكستان مەشىتتەرىندە ۇزاق جىلداردان بەرى ءبىرىنشى رەت مەشىتتەردە اۋىزاشار جاساۋعا رۇقسات بەرگەن. ەندى بۇل جولى قايتادان تىيىم سالىنىپ وتىر.

مۇنان بولەك وزبەكستان بيلىگى ء ارتۇرلى ءدىني اعىمداردىڭ جەتەگىنە ەرىپ كەتپەۋ ءۇشىن، جاستاردى جاپپاي ناماز وقۋ ورىندارىنا جىبەرۋگە توسقاۋىل قويعان.

اباي-اقپارات