استانادا ء"دىن تەرروريزمگە قارسى" دەگەن حالىقارالىق كونفەرەنتسيا ءوتىپ جاتىر. وعان الەمنىڭ 40 ەلىنەن ونداعان دەلەگات قاتىسۋدا.

جيىندى اشقان پارلامەنتتىڭ جوعارعى پالاتاسىنىڭ توراعاسى قاسىم-جومارت توقاەۆ قازاقستان پرەزيدەنتى نۇرسۇلتان نازارباەۆتىڭ ۇندەۋىن وقىدى. الەمدە تەرروريزم اياسى كەڭەيىپ بارادى، راديكالدى توپتار تۇراقتى تۇردە قارجىلاندىرىلىپ وتىر دەپ مالىمدەدى توقاەۆ.

سپيكەر "ادامي وركەنيەتتى بارىنشا نىعايتۋ" تەرروريزم قاۋپىنە "جالعىز جاۋاپ" بولىپ تابىلاتىنىن اتاپ ءوتتى.

سپيكەردىڭ سوزىنشە، باق جانە قوعام كەز-كەلگەن ءدىني الاۋىزدىقتىڭ الدىن الۋ ءۇشىن ەتيكالىق نورما قۇرىپ، كەڭىنەن ناسيحاتتاۋ كەرەك. ول سونىمەن بىرگە "توتەنشە" كەدەيشىلىك، اشتىق جانە ىندەتتىڭ الدىن الۋ ءۇشىن ولاردى تۇبىرىمەن جويۋ قاجەتتىگىن دە ايتتى.

Abai.kz