رەسەي پرەزيدەنتىنىڭ ءباسپاسوز حاتشىسى دميتري پەسكوۆ ۋكراين پرەزيدەنتىنىڭ بۇل نيەتى گۋمانيزمنەن تۋىنداسا، مۇنى تەك قولداۋعا بولاتىنىن ايتتى. ريا نوۆوستي "جانە ءدال وسى نارسەگە، ءبىز، ماسكەۋدە ۇمىتتەنەمىز", – دەگەن پەسكوۆتىڭ سوزدەرىن جاريالادى.

پەسكوۆتىڭ پىكىرىنشە، ءوز باسى "رەسەيلىك وڭىرلەرگە كوز الارتۋ" دەپ اتاعان قىرىمدى قايتارۋ نيەتىنە تۇسىنىكتەمە ايتۋدىڭ قاجەتى جوق.

ۋكراينا پرەزيدەنتى پەتر پوروشەنكو نادەجدا ساۆچەنكونىڭ بوساتىلىپ جانە ەلىنە قايتارىلعانىنا بايلانىستى ۇندەۋىندە ۋكراينانىڭ "نادەجدانى قايتارعانى" سەكىلدى، قىرىم مەن دونباسستى قايتارىپ الاتىنى جايلى مالىمدەگەن ەدى.

ۋكراينا مەن 100-گە جۋىق مەملەكەت رەسەيشىل بيلىك 2014 جىلدىڭ 16 ناۋرىزىندا ۇيىمداستىرعان قىرىمداعى رەفەرەندۋمنىڭ زاڭدىلىعىن مويىندامايدى. ونىڭ ناتيجەسىندە رەسەي قىرىمدى قۇرامىنا قوسىپ العان بولاتىن. ەۋرووداق، اقش جانە بىرقاتار باتىس ەلدەرى رەسەيگە قارسى سانكتسيا جاريالادى. ماسكەۋ قىرىمدى ەل قۇرامىنا قوسۋ ءىسى تولىعىمەن حالىقارالىق قۇقىق تالاپتارىنا ساي وتكەنىن مالىمدەپ كەلەدى.

اباي-اقپارات