ماعان قازاقتىڭ جەرىندە تۇسىرىلگەن كينو، كليپ، تەلەارناداعى حابار، جاسالعان مۋلتفيلمدە جۇرگەن ەسەكتەر ۇنامايدى.

اۋىسپالى ماعىناداعى ەسەك ەمەس، تىكە، الگى قۇلاعى سالپايعان كادىمگى شىن ەسەك.
ەگەر ءتۇسىرۋ كەرەك بولسا، قاسيەتىڭنەن اينالايىن جىلقى جانۋارىمىز بار عوي. ونى قالاي ماقتاساق تا، قالاي اسپەتتەسەك تە جاراسادى. جىلقىنى قولعا ۇيرەتكەن ءبىزدىڭ بابالارىمىز ەكەن دەپ عىلىم جاڭالىق اشىپ جاتىر.

ال، مىنا ەتى حارام، ەڭبەگى ادال ەسەكتىڭ قازاققا ءوتىپ كەتكەن نە ءوتىلىسى بار؟!

كەشە بالاما قازاقشا مۋلتيكتەر ىزدەپ وتىرىپ نۇر-مۇقاساننىڭ "قوس قارلىعاش" انىنە جاسالعان ءمۋلتفيلمدى جۇكتەپ الدىم. ۇيگە اپارىپ قاراپ وتىرساق الگى جانۋار مۇندا دا ءجۇر ەكەن.

وتاندىق كينو مەن كليپ نارىعىندا ول ءتىپتى قالاماقى تولەنبەيتىن ەڭ ادال "اكتەر". 

وسىدان بىرنەشە جىل بۇرىن "حابار" مەن "قازاقستاننىڭ" قايسىسىنان كورگەنىم ەسىمدە جوق، بەكجان تۇرىس اعامىز جايلى حابار ءتۇسىرىلدى. بەكجان اعام اۋىلى شوشانايعا بارىپ كلاستاستارىمەن بىرگە ەسەككوكپار تارتتى. ءوز كوزىمە ءوزىم سەنبەدىم، قابىلداي المادىم. ەسەككە مىنگەن بەكجان تۇرىس كوز الدىمنان كەتپەي قويدى.

سويتسەم، ءبىزدىڭ ونەردى دە، ادەبيەتتى دە، كۇللى قازاققا ءتان قۇندىلىقتىڭ ءبارىن ەسەكقاسيەتتەندىرىپ، وعان تەرىس مىنگىزىپ جىبەرگەن ەكەن بۇل مەديا-نارىق. ءارى، ونى كورسەتە-كورسەتە ەلدىڭ كوزىن دە، ەتىن دە ۇيرەتىپ العان.

جىلقىعا مىنسە قازاقتىڭ رۋحتانىپ، ابارلانىپ، قانى قىزىپ كەتەتىنىن بىلگەن عوي.
وعان قاتىسى بولسا الگى ءبىزدىڭ مۇرتتى كوكەمىزدىڭ قاتىسى بار-اۋ ءسىرا!

مەيىرجان اۋەلحانۇلى

Facebook-تەگى پاراقشاسىنان