ءدامحانادان ءورت شىققانىن كورگەن كۋاگەر تاڭعى ساعات 05:25-تە «101» نومىرىنە حابارلاسادى.

ء«دامحانانىڭ شاتىرى وتقا ورانعان. قىزىل جالىننىڭ ءدامحانا ىرگەسىندەگى عيماراتتارعا تارالۋ قاۋپى تۋعان. ءتىلسىز جاۋدى ءسوندىرۋ بارىسىندا 3 گاز (50ل) جانە 2 كومىرقىشقىل باللونى قاۋىپسىز جەرگە شىعارىلدى. جالىن 1200 شارشى مەتردى شارپىعان. ءتىلسىز جاۋ 06:43-تە اۋىزدىقتالدى»، - دەپ مالىمدەدى الماتى تجد-دان.+

ۆەدومستۆودان مالىمدەگەندەي، وقيعا ورنىنا كەلگەن ءورت سوندىرۋشىلەر سول ماڭنان بىرنەشە ءورت سوندىرگىش تاۋىپ العان. بەلگىلى بولعانداي، تاڭعى 04:45-تە كۇزەتشى ءدامحانانىڭ ورتەنىپ جاتقانىن بايقاپ، ءوز بەتىنشە سوندىرۋگە تىرىسىپتى. ءورت سوندىرۋشىلەر كەلگەنگە دەيىن جالىن ۇلكەن اۋماققا تارالىپ كەتكەن.

پوليتسيا قىزمەتكەرلەرى جاقىن ماڭداعى 9 قاباتتى تۇرعىن ۇيدەن 40 ادامدى ەۆاكۋاتسيالادى. قازا تاپقاندار مەن زارداپ شەككەندەر جوق.

ءورتتى سوندىرۋگە تجد «وسق جانە اقج» مم جەكە قۇرامىنىڭ 80 ادامى مەن 19 دانا تەحنيكا جۇمىلدىرىلدى.

اباي-اقپارات