وقو-دا جەتى يندۋستريالدى ايماق تابىستى جۇمىس ىستەۋدە. بۇل تۋرالى بۇگىن ءوڭىر باسشىسى ب.اتامقۇلوۆ ەلباسىنىڭ جۇكتەگەن فۋنكتسيالارى مەن مىندەتتەرىنىڭ ورىندالۋى بويىنشا وبلىستىق ءماسليحات دەپۋتاتتارىنىڭ الدىندا بەرگەن ەسەبىندە ايتتى. 

بۇل تۋرالى «اباي اقپارات» وڭتۇستىك قازاقستان وبلىسى اكىمىنىڭ ءباسپاسوز قىزمەتىنە سىلتەمە جاساي وتىرىپ حابارلايدى.

وڭتۇستىك قازاقستان وبلىسىندا جۇمىسى جولعا قويىلعان شىمكەنت پەن كەنتاۋ، تۇركىستان مەن سوزاق، تۇلكىباس، ماقتارال جانە كازىعۇرتتاعى يندۋستريالدى ايماقتار بولسا، مۇنان بولەك، تاعى 4 وسىنداي ايماقتا بۇگىندە ينفراقۇرىلىمدىق جۇمىستار جۇرگىزىلىپ جاتىر.

سونىمەن قاتار، جيىندا وبلىس اكىمى بەيبىت اتامقۇلوۆ بۇگىنگە دەيىن وبلىستاعى يندۋستريالدىق ايماقتاردا 52 جوبا ىسكە اسىرىلىپ، 4025 جۇمىس ورنى قۇرىلعانىن ايتىپ، «يندۋستريالدى-يننوۆاتسيالىق دامۋ» باعدارلاماسى اياسىندا جىل باسىنان 2 جوبا ىسكە قوسىلىپ، 74 جۇمىس ورنى اشىلعانىن جەتكىزدى.

ايتا كەتكەن ءجون، ءوسىم بويىنشا وبلىسىمىز رەسپۋبليكادا الدىڭعى قاتاردا كەلەدى. تارقاتىپ ايتساق، باعدارلاما اياسىندا بيۋدجەتكە تۇسكەن سالىقتاردىڭ كولەمى وتكەن جىلمەن سالىستىرعاندا 804 ملن. تەڭگەگە ارتىپ، 5,4 ملرد. تەڭگەنى قۇراسا، 6 ايدا ونەركاسىپ كاسىپورىندارىمەن 384 ملرد. تەڭگەنىڭ ءونىمى ءوندىرىلىپ، 5,3 پايىزعا ارتقان. 

بۇل تسيفرلار ءوڭىر ەكونوميكاسىنىڭ ورگە باسىپ كەلە جاتقانىن بىلدىرسە كەرەك.

اباي اقپارات