پروكۋرورلار قر «پروكۋراتۋرا تۋرالى» زاڭىن بۇزىپ وتىر
مەن جەكە ازامات رەتىندە 13.09. 2016 جىلى قر باس پروكۋرورى ج.ق. اسانوۆقا ارنايى حات جازىپ، قر «پروكۋراتۋرا تۋرالى» زاڭىنىڭ 26-بابىنىڭ 1-تارماعىندا «جەكە نە زاڭدى تۇلعالاردىڭ زاڭنامالىق اكتىلەردى بiلمەۋi نەمەسە دۇرىس تۇسiنبەۋi زاڭنامالىق اكتىلەردى نە ازاماتتىڭ نەمەسە شەكتەلمەگەن تۇلعالار توبىنىڭ قۇقىقتارى مەن بوستاندىقتارىن بۇزۋعا الىپ كەلۋى مۇمكىن دەپ پايىمداۋعا جەتكiلiكتi نەگiزدەر بولعان كەزدە پروكۋرور زاڭنامالىق اكتىنىڭ مازمۇنىنا تۇسiندiرمە بەرەدi» دەپ ناقتى كورسەتىلگەنىن اتاپ ءوتىپ، قر جەر كودەكسىنىڭ، قر «جاۋاپكەرشىلىگى شەكتەۋلى جانە قوسىمشا جاۋاپكەرشىلىگى بار سەرىكتەستىكتەر تۋرالى» زاڭىنىڭ كەيبىر نورمالارىنىڭ مازمۇنىنا تۇسiندiرمە بەرۋدi سۇراعان ەدىم.
الايدا، قر باس پروكۋراتۋراسى ماعان تۇسiندiرمە بەرۋ تۋرالى جاۋاپ حاتىن استانا قالاسىنىڭ پروكۋراتۋراسىنا سىلتەدى، استانا قالاسىنىڭ پروكۋراتۋراسى استانا قالاسى «الماتى» اۋدانىنىڭ پروكۋراتۋراسىنا سىلتەدى، ال استانا قالاسى «الماتى» اۋدانىنىڭ پروكۋراتۋراسى ماعان جاۋاپ بەرۋدى قر اۋىل شارۋاشىلىعى مينيسترلىگىنىڭ جەر رەسۋرستارىن باسقارۋ كوميتەتىنە سىلتەدى.
ناتيجەسىندە قر «پروكۋراتۋرا تۋرالى» زاڭىنىڭ 26-بابىندا كورسەتىلگەن «زاڭنامالىق اكتىنىڭ مازمۇنىنا پروكۋرور تۇسiندiرمە بەرەدi» دەگەن تالاپ بارلىق دەڭگەيدەگى پروكۋراتۋرالار تاراپىنان ورەسكەل بۇزدى.
قر باس پروكۋراتۋراسى، ەلىمىزدىڭ نەگىزگى قالاسى استانانىڭ پروكۋراتۋراسى وسىلاي ءوزىنىڭ زاڭىن بۇزىپ وتىرسا باسقالاردان نە كۇتۋگە بولادى؟
قر جەر كودەكسىنىڭ، قر «جاۋاپكەرشىلىگى شەكتەۋلى جانە قوسىمشا جاۋاپكەرشىلىگى بار سەرىكتەستىكتەر تۋرالى» زاڭىنىڭ كەيبىر نورمالارىنىڭ مازمۇنىنا تۇسiندiرمە بەرۋدi سۇراعان تاعى ءبىر حاتتى جەر ماسەلەسىنە تىكەلەي جاۋاپتى ورتالىق اتقارۋشى ورگان- قر اۋىل شارۋاشىلىعى مينيسترلىگىنە دە جولدادىم. ولاردىڭ تاراپىنان قانشا زاڭ تالابى بۇزىلاتىنى قازىرشە بەلگىسىز.
ەگەر اۋىل شارۋاشىلىعى مينيسترلىگى دە زاڭ بۇزسا باس پروكۋراتۋرامەن قوسا سوتقا بەرۋ كەرەك دەپ ويلاپ وتىرمىن.
قۇقىقتىق قازاقستانداعى جاعداي وسىنداي، باۋىرلار!
ماقسات ءىلياسۇلى
Abai.kz
