قازاقستان رەسپۋبليكاسى مادەنيەت جانە سپورت مينيسترلىگى تىلدەردى دامىتۋ جانە قوعامدىق-ساياسي جۇمىس كوميتەتى «قازاقستان رەسپۋبليكاسىندا تىلدەردى دامىتۋ مەن  قولدانۋدىڭ       2011-2020 جىلدارعا ارنالعان مەملەكەتتىك باعدارلاماسى» اياسىندا   ورىس ءتىلى بىلگىرلەرىنىڭ VIII رەسپۋبليكالىق «وي-سانا» بايقاۋىن  وتكىزەدى، - دەپ حابارلايدى اباي-اقپارات مينيسترلىكتىڭ ءباسپاسوز قىزمەتىنە سىلتەمە جاساپ.

بايقاۋدىڭ ماقساتى – قازاق تىلىندە وقيتىن جاستاردىڭ اراسىندا ورىس ءتىلىن وقۋعا دەگەن قۇلشىنىسىن ارتتىرۋ، ريتوريكالىق داعدىلارىن دامىتۋ، سويلەۋ مادەنيەتىنىڭ دەڭگەيىن كوتەرۋ، ورىس ءتىلىن ەركىن مەڭگەرگەن دارىندى جاستاردى ناسيحاتتاۋ جانە ولارعا قولداۋ كورسەتۋ.

شاراعا «وي-سانا» بايقاۋىنىڭ وبلىستىق، قالالىق دەڭگەيدەگى جەڭىمپازدارى قاتىسادى جانە قر پارلامەنتى دەپۋتاتتارى، قازاقستان حالقى اسسامبلەياسى مەن مادەنيەت جانە سپورت مينيسترلىگىنىڭ وكىلدەرى، قازاقستانداعى رەسەي فەدەراتسياسىنىڭ ەلشىلىگى مەن قازاقستانداعى رەسەي ىنتىماقتاستىعى وكىلەتتىلىگىنىڭ قىزمەتكەرلەرى قۇرمەتتى قوناق رەتىندە شاقىرىلادى.

بايقاۋ بارىسىندا باعدارلاماعا سايكەس جاڭىلتپاشتاردى مۇدىرمەستەن وقۋ ءارى انىق ايتۋ، ەسسە جازۋ، ديالوگ قۇرۋ، ورىستىڭ حالىق ءانىن (زاماناۋي) ورىنداۋ نەمەسە  تەاترلاندىرىلعان ينتەرپرەتاتسياداعى  قوركەم شىعارمادان ءۇزىندى قويۋ (پەسا، ەرتەگى جانە ت.ب.) بويىنشا تاپسىرمالار ورىندالادى.

بايقاۋ مارەسى جەڭىمپازداردى سالتاناتتى ماراپاتتاۋ راسىمىمەن اياقتالادى.

بايلانىس تەلەفوندارى:  8(7172)408367, 87023768400

بايقاۋ استانا قالاسى، اباي داڭعىلىنىڭ بويىندا ورنالاسقان «ىسكەر» بيزنەس ورتالىعىندا  23 قىركۇيەك كۇنى ساعات 10.00-دە باستالادى.

اباي-اقپارات