وڭتۇستىك قازاقستان وبلىسىندا «وڭتۇستىك سامالى -2016» اۆتورلىق اندەر فەستيۆالى ءوتتى. ارىس وزەنىنىڭ جاعاسىندا وتكىزىلگەن ءۇش كۇندىك شاراعا 500-گە جۋىق ادام قاتىسىپ، وتكەن جىلدارمەن سالىستىرعاندا قاتىسۋشىلار مەن كورەرمەندەر سانى اناعۇرلىم ارتقان.

بۇل تۋرالى «اباي اقپارات» وڭتۇستىك قازاقستان وبلىسى اكىمىنىڭ ءباسپاسوز قىزمەتىنە سىلتەمە جاساي وتىرىپ حابارلايدى.

ايتا كەتەيىك، بيىلدىققا ءۇشىنشى رەت ۇيىمداستىرىلعان حالىقارالىق اۆتورلىق اندەر فەستيۆالىنە قاتىسۋعا 70 ۇمىتكەر ىرىكتەلىپ الىنعان. تەك توپتى وزا شاۋىپ، ءوز ونەرىمەن جينالعانداردى تامساندىرعان رەسەيلىك قوناق ولەگ دەمانوۆ باس جۇلدەنى يەلەندى.

بۇدان بولەك، ون سەگىز اتالىم بويىنشا جەڭىمپازدار انىقتالدى. ايتا كەتۋ كەرەك، فەستيۆالدا ەلىمىزدىڭ بارلىق وبلىستارىنان جانە وزبەكستان، رەسەي ەلدەرىنەن كەلگەن قاتىسۋشىلار باق سىناستى.

ايتا كەتۋ كەرەك، ءۇش كۇندىك شارا وقو كاسىپكەرلىك، يندۋستريالدى-يننوۆاتسيالىق دامۋ جانە تۋريزم باسقارماسىنىڭ باستاماسىمەن وتكىزىلدى. «وڭتۇستىك سامالى» اۆتورلىق اندەر فەستيۆالى كەلەسى جىلى تاعى دا جالعاسىن تاباتىن بولادى. بۇل وڭتۇستىك قازاقستان وبلىسىندا وتكىزىلىپ جاتقان العاشقى شارا ەمەس. اتالعان باعىتتاعى ءىس-شارالار وقو-دا جىل سايىن ۇيىمداستىرىلىپ كەلەدى. شارانى تاماشالاعان وڭتۇستىك شاھار تۇرعاندارى العان اسەرلەرىنىڭ تاماشا ەكەندىگىن ايتادى.

دەرەككوزى: وقو اكىمىنىڭ ءباسپاسوز قىزمەتى

Abai.kz