وڭتۇستىك قازاقستان وبلىسىنىڭ ورتالىعى شىمكەنت قالاسىندا قالا كۇنىنە وراي جالپى حالىقتىق مارافون ءوتتى. شىمكەنتتە قالا كۇنىنە ارنالعان xالىقتىق مارافونعا 4 مىڭنان استام شاھار تۇرعىنى قاتىستى. بۇل تۋرالى «اباي اقپارات» وڭتۇستىك قازاقستان وبلىسى اكىمىنىڭ ءباسپاسوز قىزمەتىنە سىلتەمە جاساي وتىرىپ حابارلايدى.

قالا كۇنىن مەرەكەلەۋدىڭ ەكىنشى كۇنىندە شىم قالا تۇرعىندارى  5000 مەتر قاشىقتىققا جۇگىردى. سالاۋاتتى ءومىر سالتىن ساقتاعان 4 مىڭنان استام شاھار تۇرعىندارى دىنمۇحامەد قوناەۆ اتىنداعى داڭعىل بويىنداعى «Royal» فيتنەس كلۋبىنان "ناۋرىز" الاڭىنا دەيىنگى بەس شاقىرىمدى باعىندىردى.

ايتا كەتەرلىگى، مۇنداي سپورتتىق سايىس شىمكەنتتە وسىمەن 17 رەت وتكىزىلىپ وتىر. سونداي-اق، جۇگىرۋ سايىسىنىڭ قورىتىندىسىندا 12 اتالىم بويىنشا 30 جۇلدەگەر انىقتالىپ، بارلىعى ديپلومدار مەن باعالى سىيلىقتارعا يە بولدى.

بۇل رەتكى بۇقارالىق مارافون سايىسىنىڭ ەڭ جاس قاتىسۋشىسى ساپارxان باقداۋلەت پەن امانتاي Aيان نەبارى جەتى جاستا بولسا، ەڭ قارت جۇيرىكتەر 65 جاستاعى يۋري وستاپەنكو مەن زايتسەۆا يرايدا ەسىمدى اقساقالدار بولدى.

دەرەككوزى: وقو اكىمىنىڭ ءباسپاسوز قىزمەتى

Abai.kz