وڭتۇستىك قازاقستان وبلىسى باسشىسىنىڭ ءبىرىنشى ورىنباسارى دارحان ساتىبالدى كورەيا مەملەكەتى «KISCO» كومپانياسىنىڭ پرەزيدەنتى چوي دجۋن حۆان مىرزامەن كەزدەستى. باسقوسۋدا د.ساتىبالدى ءوڭىردىڭ نەگىزگى جەتىستىكتەرى مەن اۋىل شارۋاشىلىعى جانە ونەركاسىپ سالاسىنداعى دامۋ كورسەتكىشتەرىنە توقتالىپ، ينۆەستورلاردى وبلىستاعى بىرقاتار ينۆەستيتسيالىق جوبالاردى بىرلەسە جۇزەگە اسىرۋعا شاقىردى.
ءوز كەزەگىندە چوي دجۋن حۆان مىرزا اۋقىمدى جوبالاردى جۇزەگە اسىرۋدا سەنىم ءبىلدىرىپ وتىرعانى ءۇشىن بيلىك وكىلدەرىنە العىسىن جەتكىزىپ، بىرلەسە جۇمىس ىستەۋگە ىقىلاستى ەكەنىن ءبىلدىردى. مارتەبەلى مەيماندى 6-7 قازان كۇندەرى شىمكەنت قالاسىندا وتكەن حالىقارالىق «Ontustik Tourism 2016» تۋريستىك فورۋمىنا قۇرمەتتى قوناق رەتىندە قاتىسىپ، ءوڭىر مۇمكىندىكتەرىمەن تەرەڭىرەك تانىستى. جالپى العاندا وڭتۇستىك ءوڭىرى تۋريزم سالاسىن دامىتۋعا قولايلى دەپ ەسەپتەلەدى. سول سەبەپتى دە جەرگىلىكتى بيلىك سوڭعى جىلدارى تۋريزمگە كوبىرەك كوڭىل ءبولىپ، ناتيجەسىندە بىرقاتار جەتىستىكتەرگە قول جەتكىزۋدە. وبلىسىمىزدا جەكە ينۆەستورلاردىڭ قاتىسۋىمەن تابيعاتى كوركەم جەرلەردە قىزمەت كورسەتۋ دەڭگەيى حالىقارالىوق ستاندارتتارعا ساي دەمالىس ورىندارى جاپپاي بوي كوتەرۋدە.

بۇدان بۇرىن حابارلاعانىمىزداي، «KISCO» كومپانياسىنىڭ پرەزيدەنتى چوي دجۋن حۆان مىرزا وقو-دا اۋقىمدى جوبالاردى بىرلەسىپ جۇزەگە اسىرۋدا سەنىم ءبىلدىرىپ وتىرعانى ءۇشىن بيلىك وكىلدەرىنە العىسىن جەتكىزىپ، قابىلدانعان كەلىسىمدەر الداعى ۋاقىتتا ءوز جەمىسىن بەرەتىنىنە ۇلكەن سەنىم بىلدىردگەن بولاتىن. 

Abai.kz