وڭتۇستىك قازاقستان وبلىسىندا ماشينا-تراكتور ستانساسى قۇرىلدى. بۇل تۋرالى «اباي اقپارات» وقو اكىمىنىڭ ءباسپاسوز قىزمەتىنە سىلتەمە جاساي وتىرىپ حابارلايدى.اۋىل شارۋاشىلىعى  ونىمدەرىنىڭ كولەمىن ۇلعايتۋدى،  ەكسپورتقا شىعارۋدى  قامتاماسىز ەتۋدە  ۇساق تاۋار وندىرۋشىلەردىڭ ماسەلەلەرىن كەشەندى شەشۋ ءۇشىن،   قر «اۋىل شارۋاشىلىعى كووپەراتيۆتەرى تۋرالى»   زاڭىنا سايكەس، وبلىستا كووپەراتيۆتەردى قۇرۋ بەلسەندى جۇرگىزىلۋدە، دەپ حابارلادى وقو اكىمىنىڭ ءباسپاسوز قىزمەتى.

بۇگىنگى كۇنگە وبلىستا 8 مىڭنان اسا ۇساق فەرمەرلىك شارۋاشىلىقتار 81 اۋىل شارۋاشىلىعى وندىرىستىك كووپەراتيۆتەرىنە بىرىگىپ، جۇمىس اتقارۋدا. ولار دامۋ باعىتتارى بويىنشا 19 بىرلىك ماقتا شارۋاشىلىعى،  30 بىرلىك استىق، 4 بىرلىك ءسۇت ءوندىرىسى، 13 بىرلىك ءىرى جانە ۇساق مال شارۋاشىلىعى، 3 تۇيە شارۋاشىلىعى، 3 جۇگەرى ءوسىرۋ، 4 جىلىجاي، 5 تاعى باسقا شارۋاشىلىقتاردان قۇرالىپ وتىر.

سونىمەن قاتار، بيىلعى جىلى وبلىستا 14  ماشينا-تراكتور  ستانساسى (متس) قۇرىلعان.

متس-تەر قۇرامىندا 108 دوڭعالاقتى تراكتور، 7 شىنجىر تاباندى تراكتورر، 28 استىق وراتىن، 9 جەم-ءشوپ وراتىن، 4 جۇگەرى وراتىن كومبايندار مەن 186 باسقا دا تەحنيكالار بار.        

دەرەككوزى: قازاقپارات اگەنتتىگى

Abai.kz