«شىمكەنتسىرا» زاۋىتىنىڭ ەكس-ديرەكتورى توقتار تولەشەۆ ميتينگ ۇيىمداستىرعانىنا وكىنەتىنىن ايتتى. بۇل تۋرالى kaz.365info.kz سايتى TOPpress.kz باسىلىمىنا سىلتەمە جاساي وتىرىپ حابارلايدى.

تولەشەۆتىڭ قورعاۋشىسى ەۆگەني ياروۆسكيدىڭ ايتۋىنشا، حاتتامالار تولەشەۆتىڭ تۇسىنىكتەمەسى نەگىزىندە جازىلىپ، وعان ءوز اتىنان قول قويىلعان.

«تەرگەۋشىلەر ەشقانداي قىسىم جاسالماعان» دەيدى ياروۆسكي.

«تولەشەۆ تۇسىنىكتەمەنى ءوز ەركىمەن بەردى. ماعان شاعىمدانعان جوق. ەگەر وعان بىرەۋ قىسىم كورسەتسە، بىردەن ماعان ايتار ەدى…قانداي تۇسىنىكتەمە بەردى، ەندەشە بارلىعى سولاي بولعان. تۇسىنىكتەمە عالامتورعا تاراپ كەتتى. ول ميتينگ ۇيىمداستىرعانىنا وكىنەتىنىن ءوز كوزدەرىڭىزبەن كوردىڭىزدەر» دەيدى زاڭگەر.

تولەشەۆ ينتەرنەتتە تاراعان مالىمدەمەسىندە اتىراۋداعى ميتينگىنى ءوزى ۇيىمداستىرعانىن مويىنداپ، جوسپارىن جۇزەگە اسىرۋ ءۇشىن قازىر تۇرمەدە جاتقان تالعات اياندى ىسكە تارتقان. سوڭعىسىنا قاتىستى قازىر تەرگەۋ امالدارى جۇرۋدە.

16 قىلمىستىق ءىس بويىنشا ايىپ تاعىلعان تولەشەۆكە ءىسى سوتتا قارالۋدا. 

رەداكتسيادان: اتىراۋداعى بەيبىت شەرۋدە كىسى شىعىنى بولعان جوق. قازاقستان ەكونوميكاسىنا ەشقانداي زالال كەلتىرىلگەن جوق. مەملەكەتتىك تۇتاستىعىمىزعا سىزات تۇسىرەتىندەي وقيعالار دا بولمادى. ەندەشە، تولەشەۆ نەگە وكىنىپ وتىر؟ جەر كوميسسياسى قۇرىلىپ، حالىقتىڭ تالابى ورىندالعانىنا ما؟ اتىراۋلىق باتىر جىگىتتەردىڭ باستاماسىمەن بۇكىل قازاق جۇرتى جەردى جالعا بەرۋگە قارسىلىق ءبىلدىردى. ناتيجەسىندە ەلباسى موراتوري جاريالاپ، كەيىننەن بۇل موراتوري 5 جىلعا سوزىلدى. تولەشەۆ وسىعان وكىندى مە ەكەن؟ تۇسىنىكسىز!

Abai.kz