ساپالى ءبىلىم الۋ - ەلىمىزدەگى ءاربىر ازاماتتىڭ قۇقىعى. وسىعان وراي قر پرەزيدەنتى ءبىلىم سالاسىنا ەرەكشە كوڭىل اۋدارىپ،  مەكتەپ، بالاباقشا جانە باسقا دا ءبىلىم نىساندارىن كوپتەپ سالدىرۋدا.

ماسەلەن، 2015 جىلى شىمكەنتتە 84 قوعامدىق بالاباقشا، 208 جەكە جانە 35 شاعىن ورتالىق، 127 مەكتەپتەر مەن 327 بالاباقشا ەل يگىلىگى ءۇشىن پايدالانۋعا بەرىلگەن.

اعىمداعى جىلى بۇل كورسەتكىش مەملەكەتتىڭ قولداۋىمەن ايتارلىقتاي ءوستى. «ۇلتتىق قور»،  وبلىستىق جانە قالالىق بيۋدجەتتەردەن «بالاپان» باعدارلاماسى اياسىندا 2 مەكتەپ، 4 مەملەكەتتىك جانە 39 جەكەمەنشىك بالاباقشا سالىندى. جالپى وسى جىلى ءبىلىم بەرۋ سالاسىن دامىتۋ ءۇشىن 40,3 ملرد تەڭگە ءبولىنىپ، وتكەن جىلمەن سالىستىرعاندا 8,7 ملرد تەڭگەگە ارتتى.

شىمكەنت قالاسى بويىنشا ورتاشا بالل 82,6 بولىپ، ( 2015 جىلى  - 81,8 ب) «التىن بەلگى» بەلگىسىنە ۇمىتكەرلەر  سانى وتكەن جىلعىدان ارتقان. ۇلتتىق بىرىڭعاي تەستىلەۋگە قاتىسقاندار سانى 16 278 -گە دەيىن ءوستى.  ال، وسى جىلى "التىن بەلگى" يەلەنەندەر سانى 94 بولدى.

ءبىلىم مەكەمەلەرىندەگى  جوندەۋ جۇمىستارى كۇن تارتىبىندەگى ماڭىزدى ماسەلەلەردىڭ ءبىرى بولىپ تابىلادى. وسى ورايدا تۇرعىندار جاڭا جۇمىس ورىندارى مەن تۇراقتى جۇمىس جاساۋ باعىتىنا يە بولدى.

2015 جىلدىڭ 8 ايىندا جۇمىسپەن قامتۋ بويىنشا 11 523 ازامات ءوتىنىش بىلدىرسە، ناقتى 7899 ازامات جۇمىسپەن قامتىلدى. ياعني 68,5 پايىزدى قۇراپ وتىر. ال، 2016 جىلدىڭ 8 ايىندا جۇمىسپەن قامتۋ بويىنشا 16 557 ازامات ءوتىنىش ءبىلدىرىپ، ناقتى 12 415 ازامات جۇمىسپەن قامتىلدى. ياعني 75 پايىزدى قۇراپ وتىر.

وتكەن جىلى «جۇمىسپەن قامتۋ جول كارتاسى-2020» باعدارلاماسى اياسىندا شىمكەنتتە 510 جاڭا جۇمىس ورىندارى بەرىلسە، قازىردىڭ وزىندە بۇل كورسەتكىش 1522-گە ءوستى. وعان ەڭبەك قابىلەتىنە بەلسەندى جانە مۇمكىندىگى شەكتەۋلى ازاماتتار قاتىستى. وتكەن جىلى مۇمكىندىگى شەكتەۋلى 350 ادام جۇمىسپەن قامتىلىپ، 424 ءوتىنىش جولداندى.

سونىمەن قاتار، شىمكەنتتە 2015 جىلى 387 جۇمىس ورنى اشىلىپ، سوڭعى 7 ايدا شاعىن جانە ورتا بيزنەس جوبالارىن ىسكە اسىرۋ بەلسەندى جۇرگىزىلۋدە. ال سول كەزەڭدە بۇل 448 جاڭا جۇمىس ورىندارىن قامتاماسىز ەتتى.

Abai.kz