قازاقستان رەسپۋبليكاسى مادەنيەت جانە سپورت مينيسترلىگى تىلدەردى دامىتۋ جانە قوعامدىق-ساياسي جۇمىس كوميتەتى مەملەكەتتىك قىزمەتشى جاستار اراسىندا ء«تىل شەبەرى-2016» رەسپۋبليكالىق بايقاۋىن وتكىزەدى، - دەپ حابارلايدى اباي اقپارات مينيسترلىكتىڭ ءباسپاسوز قىزمەتىنە سىلتەمە جاساپ.

 شارا 2016 جىلدىڭ 16 قىركۇيەگىندە، ساعات 10.00-دە استانا قالاسىنداعى (تاۋەلسىزدىك ك.، 50) قازاق ۇلتتىق ونەر ۋنيۆەرسيتەتىنىڭ جامبىل اتىنداعى كونتسەرت زالىندا باستالادى.

بايقاۋدىڭ ماقساتى: ءۇش ءتىلدى – قازاق، ورىس جانە اعىلشىن تىلدەرىن جەتىك مەڭگەرگەن مەملەكەتتىك قىزمەتشى جاستاردى انىقتاپ، قولداۋ. ۇشتىلدىلىكتى ناسيحاتتاۋ،  ىسكەرلىك جانە حالىقارالىق قارىم-قاتىناس قۇرالى رەتىندەگى تىلدەردى جاستاردىڭ مەڭگەرۋ دەڭگەيىن انىقتاۋ.

بايقاۋ «مادەنيەتتانىم»، «ۇلتتانىم» جانە «ونەرتانىم» اتتى ءۇش اتالىمنان تۇرادى.

بايقاۋعا ورتالىق جانە جەرگىلىكتى مەملەكەتتىك ورگانداردان ۇمىتكەرلەر،  قۇرمەتتى قوناق رەتىندە قر پارلامەنتى دەپۋتاتتارى، قر مادەنيەت جانە سپورت مينيسترلىگىنىڭ باسشىلىعى، زيالى قاۋىم وكىلدەرى قاتىسادى.

بايقاۋ جەڭىمپازداردى سالتاناتتى ماراپاتتاۋ راسىمىمەن اياقتالادى.

بايلانىس تەلەفوندارى:

فاكس: 8 (7172) 408397;

تەل: 8 (7172) 408393 (جۇمىس); 87472642646; 87013198887

Abai.kz