بۇل ماتەريال Abai.kz اقپاراتتىق پورتالىنىڭ ەلەكتروندى پوچتاسىنا ەرلان كوبەنۇلى اتتى ازاماتتان كەلىپ ءتۇستى. اتالعان ازامات بەلگىلى ساياساتكەر سەرىك ساپارعاليدىڭ ماقالاسىن پورتال وقىرماندارىنا ۇسىنۋدى ءجون ساناسا كەرەك. 

ءبىز وسى ماقالادا سىنالعان ازاماتتاردىڭ ايتارى بولسا، ولارعا دا مىنبەر بەرۋگە دايىن ەكەنىمىزدى ەسكەرتەمىز. 

ماقالاداعى ستيلدىك ءھام گراماتيكالىق قاتەلىكتەر كوپ تۇزەلمەي، سول كۇيىندە ۇسىنىلىپ وتىر. 

Abai.kz اقپاراتتىق پورتالى

ۆلاديمير كوزلوۆ ەكىجۇزدى، ساياسي الاياق ەكەنىن حالىق الدىندا تولىق اشكەرەلەيمىن!  مامايدىڭ دا ءىسى سول…

كەشە ءبىر جولداس جىگىت; «ساكە، سىزگە كوزلوۆ سۇبحاتىندا ءتيىسىپتى، "نوۆايا گازەتا" دەگەن جەردە» - دەپ تەلەفون سوققان.

ينتەرنەتتەن تاۋىپ قاراسام - شىندىق…

مەنىڭ اتىمدى اتاماسا دا جانامالاپ سىناپ ءوتىپتى.

بۇل نە دەگەن ارسىزدىق، دەسەڭىزشى؟

مەن تەك "جاڭاوزەنگە كوزلوۆتىڭ نۇسقاۋىمەن باردىم" دەپ ايتپاعانىم ءۇشىن 9,5 اي قامالدىم، 4 جىلعا سوتتالدىم.

سولاي ايتپاعان سوڭ، تاعى ءبىر باپ جاماپ، مەنى كوزلوۆتىڭ «قىلمىستىق توبىنا» قوسا المادى ۇقك-ءى.

ال، سول سۇحباتتا "حوروشي درۋگ" دەگەن بولات اتاباەۆتىڭ ايىپتاۋ جاعىنا شىعىپ، ءبىزدى، ياعني ىستەگى ابىلازوۆ، كەتەباەۆ، كوزلوۆ، امينوۆ، ساپارعالي، مامايدى اشكەرەلەۋگە ارىز جازعانىن ءبىلىپ وتىرىپ ونى  قالاي ايتادى؟

مامايدىڭ دا ءىسى سول.

نەگە كوزلوۆتىڭ مىنا ەكەۋىنە ءتىسى باتپايدى، ويتكەنى، بۇلار قاشقىن وليگارحتىڭ جاقىن ادامدارىمەن بايلانىستا…

اقجانات امينوۆ تا ۇقك-ءى ايتقاننىڭ بارىنە قول قويىپ، ەش قارسىلىق ىستەمەدى.

مەن ونى اۆتوزاكتىڭ ىشىندە كوزلوۆتىڭ كوزىنشە جەتى اتاسىنا دەيىن بوقتادىم: «ەي سەن مەنى ءتىپتى كورگەن دە جوقسىڭ عوي، نەگە مەن تۋرالى جازاسىڭ؟» - دەپ.

ال، ەرلان قاليەۆ دەگەن سۇمىراي (قازىر قاسىندا جۇرگەن) مەنىڭ كۋام بولىپ تۇرىپ، ۇقك-ءنىڭ «23 قاراشاداعى جينالىستى ءبۇلدىردى، ارانداتتى» - دەگەن جالعان ايىپتاۋىن قولداپ سوتتا ماعان قارسى سويلەپ، ناعىز ساتقىندىق ىستەدى.

كوزلوۆ ونى كورمەيدى، بايقامايدى.

ءوزىنىڭ ماڭعىستاۋ بويىنشا ۇيلەستىرۋشىسى ايجانگۇل اميروۆا ءتىپتى سوتتا كوزلوۆتىڭ وزىنە شابۋىلدادى.
سوتتا ايجانگۇلدىڭ سول كەزدە جاڭاوزەن اكىمىنىڭ كەڭەسشىسى، جاقىن قۇربىسى ارقىلى بيلىككە دە قىزمەت ەتكەنى اشىلدى.

وعان كوزلوۆ ءمىز باقپايدى…

نەگىزىندە، وپپوزيتسيادامىز دەپ جۇرگەندەردى كوپ سىناعىم كەلمەيدى، ناعىز قازاق مۇددەسىنە جاۋلىعى بولماسا.   بىراق، ءبىراز ساياسي بىلىمدەرى تومەن ادامدار، ءابىلازوۆتىڭ اقشاسىنا مۇنى يليا مۋرومەتس قىلىپ جارنامالاپ جۇرگەن قۋانىشالين، قادىرباەۆا، ءجۇسىپ سياقتى ۇلتتىق مۇددەنى باياعىدا ساتىپ كەتكەندەرگە سەنىپ ءجۇر.

كوزلوۆقا شىن كۇرەسۋ تۋرالى ۇسىنىس اپارعانىمدا ول "جوق، ءبىز وندايعا بارا المايمىز" دەدى. ال، مەن ەسىكتەن شىققان سوڭ ءاليانىڭ كوزىنشە ارتىمنان جەتى اتاما دەيىن بوقتاپتى. سول "پروسلۋشكادان" شىعىپ ماسقارا بولىپ، كوزلوۆ مەنەن جازباشا كەشىرىم سۇرادى. ونى دا كورسەتەم، وسىندا.

سوندىقتان، كوزوۆ كۇرەسكەر ەمەس، تەك ءابىلازوۆتى وپپوزيتسيا ليدەرى، قۋدالاۋداعى دەموكرات-ساياساتشى دەپ كورسەتۋ ءۇشىن جوبالاردىڭ ۇيىمداستىرۋشىسى عانا!

ول ءتىپتى نازارباەۆتىڭ ارى قاراي وتىرا بەرۋىن قالايتىنىن وسى سۇحباتتا دا ءبىلدىرىپ قويىپتى: «ۆووبششە، منە ستراشنو. يا ەششە دو وتسيدكي نەودنوكراتنو پوۆتوريال: نە داي بوگ، س پرەزيدەنتوم چتو-تو سلۋچيتسيا (رازگوۆور زاپيسىۆالسيا ەششە دو سيتۋاتسي س پرەزيدەنتوم ۋزبەكيستانا – پريم. «نوۆوي» – كازاحستان»). »

سونداي الدانعان ادامداردىڭ كوزىن اشقىم كەلەدى.

مەندە بۇل الاياقتار تۋرالى كوپتەگەن فاكتىلەر مەن ارگۋمەنتتەر بار.

بۇلاردىڭ ءىس جۇزىندە قانداي ادامدار ەكەنىن ءبىلۋ ءۇشىن تەك ءبىر-اق نارسە كەرەك - بارلىق شىندىقتى ايتۋ، جازۋ كەرەك.

ەڭ باستىسى، جاڭاوزەن ءابىلازوۆ پەن ونىڭ سەنىمدى نوكەرلەرىنە ءىس اشۋ ءۇشىن سىلتاۋ ەكەنىن ءتۇسىنۋ كەرەك.
كوزلوۆ تا مۇحتار جاكيشەۆ سياقتى ءبىر-اق سەبەپپەن وتىردى، ءابىلازوۆتىڭ ادامى بولعانى ءۇشىن.
سول الاياق ءابىلازوۆتىڭ ارقاسىندا بتا بانكىدە 14-15 ورتا دەڭگەيدەگى جاستار 5-6 جىلعا جازىقسىز سوتتالىپ كەتىپتى، ونى سولاردى دا قورعاعان مەنىڭ ادۆوكاتىم كۇلپاش ايعىرباەۆا ايتتى. ال، ولار تۋرالى "رەسپۋبليكا", "ۆزگلياد" جازا ما؟ جوق!

ارينە، "العا-دا" كوپتەگەن الدانعان تازا ادامدار بولدى، شىندىقتى بىلمەگەن.

اقتاۋدا قاماۋدا جاتقاندا العا مۇشەسىنىڭ: ء"بىزدىڭ ابىلازوۆقا ەشقانداي قاتىسىمىز جوق!" دەپ جازعانىن ءابىلازوۆشىلار ءوز گازەتىندە ۇيالماي باسىپ وتىر. بۇدان اسقان قانداي ەكىجۇزدىلىك كەرەك؟
ال، سوتتاعى قۇجاتتا كوزلوۆ 98% قارجىنى "العا-عا" ءابىلازوۆ بەرگەن، قالعانى مەنىڭ اقشام دەيدى…
مىنە، «حالىقتىق» پارتيا!

سونداي فاكتىلەردىڭ ءبىزدىڭ ىستەن ءبىرازى شىقتى، ىشىندە، ءتىپتى، مەنى دە قاتتى تاڭ قالدىرعاندارى بولدى…

ال، بۇل جازعاندارىم ايسبەرگتىڭ توبەسى عانا، اعايىن…

اقيقاتتى كەينىرەك وقيسىزدار، اللا بۇيىرسا، وسى جەردەن.

سەرىك ساپارعالي، Facebook-تەگى پاراقشاسىنان

Abai.kz