بىشكەكتە تەرروريستىك ۇيىمعا مۇشە بولدى دەگەن كۇدىكپەن قازاقستاندىق ۇستالدى
قىرعىزستاننىڭ مەملەكەتتىك ۇلتتىق قاۋىپسىزدىك كوميتەتى (مۇقك) بۇگىن حالىقارالىق تەرروريستىك ۇيىمعا قاتىسى بار دەگەن كۇدىكپەن شامو مامەدوۆ ەسىمدى قازاقستان ازاماتىنىڭ ۇستالعانىن حابارلادى.
كوميتەت مالىمدەمەسىندە 28 جاستاعى مامەدوۆتىڭ بىشكەكتە 2 قىركۇيەكتە بولعان تەرروريزمگە قارسى شارالار كەزىندە ۇستالعانى ايتىلادى.
شامو مامەدوۆ سودىرلاردى سيرياداعى اسكەري ءىس-قيمىل ايماعىنا اتتاندىرىپ وتىرۋعا قاتىسى بار دەگەن كۇدىككە ىلىنگەن.
مۇقك جەدەل-ىزدەۋ شارالارى ناتيجەسىندە مامەدوۆتىڭ قىرعىزستانعا بارعان سوڭ "تاپسىرما كۇتىپ جاتقانى" انىقتالعانىن ايتادى. كۇدىكتى قاماۋعا الىنىپ، تەرگەلىپ جاتىر.
اباي-اقپارات
