بۇگىن شىمكەنتتەگى «كورمە» ورتالىعىندا ەڭ ۇزدىك «وڭتۇستىك ونىمدەرى-2016» اتتى كورمە-جارمەڭكەسى ءوتتى.

     وڭتۇستىك قازاقستان وندىرۋشىلەرىن ناسيحاتتاۋ ماقساتىندا وتكەن جارمەڭكەدە وبلىستا وندىرىلەتىن تاماق، فارماتسەۆتيكا، ماشينا جاساۋ، حيميا، جەڭىل جانە قۇرىلىس ونەركاسىپتەرىنىڭ جۇزدەگەن تاۋارلارى ۇسىنىلدى.

شاراعا قاتىسقان ءوڭىر باسشىسى ب.اتامقۇلوۆ ونداعى ونىمدەرمەن تانىسىپ، وبلىس ونىمدەرىنىڭ برەندىن قالىپتاستىرۋ قاجەتتىگىن اتاپ ءوتتى.

    «وڭتۇستىك ءونىمى» دەگەن تىركەس بۇكىل قازاقستاندىقتار ءۇشىن «جوعارى ساپا» مەن ء«تيىمدى باعا» دەگەن سوزدەرمەن تەڭدەسۋى كەرەك. سونىمەن قاتار، شارۋالار مەن جۇمىسشىلار، بيزنەستەگى ازاماتتار ەڭ ءبىرىنشى تاۋاردىڭ ساپاسىنا ءمان بەرۋى قاجەت. سوندا عانا ءبىزدىڭ ءونىم – «وڭتۇستىكتىڭ ءونىمى» نارىقتا جوعارى سۇرانىسقا يە بولادى»،- دەدى وبلىس باسشىسى.

     ايتا كەتەيىك، اتالعان كورمەگە وڭتۇستىك قازاقستان وبلىسىنىڭ 150-دەن استام تاۋار وندىرۋشىلەرى (دالالىق اۋداندارىنىڭ 60-تان استام) سونىڭ ىشىندە 1 مىڭنان استام زياراتشىلار قاتىستى.

ءىس-شارانىڭ بارىسىندا «قازاقستاننىڭ ۇزدىك تاۋارى» اتتى كورمەنىڭ جەڭىمپازدارى ماراپاتتالىپ، باعالى سىيلىقتار تابىستالدى.

      كونكۋرستىڭ جەڭىمپازدارى استانادا وتكىزىلەتىن رەسپۋبليكالىق «قازاقستاننىڭ ۇزدىك تاۋارى» كورمە-كونكۋرسىنا قاتىسۋعا مۇمكىندىك الدى. ايتا كەتەتىن جايت،  بۇل كونكۋرسقا العاش رەت 15 جاڭا كومپانيا قاتىستى.

اباي اقپارات