"ازاماتتىق كيىمدەگى بىرنەشە ادام وزدەرىن تانىستىرىپ جاتپادى", - دەدى ساياساتكەردىڭ تۋىستارى.

حايتتىڭ تۋىستارى ساياساتكەردىڭ ايەلىنىڭ جانە اۋرۋشاڭ بالاسىنىڭ دەنساۋلىعىنا الاڭداپ وتىر.

وتكەن اپتادا تاجىك وپپوزيتسياسىنىڭ شەتەلدەگى سايتى ء"ماحمادالى حايت تەرگەۋ اباقتىسىندا ازاپتالىپ، سونىڭ سالدارىنان ونىڭ دەنساۋلىعى سىر بەرگەنى" تۋرالى حابارلاعان.

وسىنداي قاۋەسەت تاراعان سوڭ، ەلدىڭ جوعارعى سوتى ساياساتكەردىڭ ايەلى ساۆرينيسو جۋراەۆاعا حايتپەن كەزدەسۋگە رۇقسات بەردى.

"اللاعا شۇكىر، ونىڭ جاعدايى جاقسى. ءبارى قاۋەسەت بولىپ شىقتى. الاڭداۋعا نەگىز جوق", - دەدى ول كۇيەۋىمەن كەزدەسۋدەن شىققان سوڭ.

ءماحمادالى حايت تاجىكستاننىڭ بۇرىنعى قورعانىس ءمينيسترى ابدۋحاليم نازارزودا ۇيىمداستىرعان بۇلىككە قاتىسى بار دەگەن كۇدىكپەن ومىرلىك تۇرمە جازاسىنا كەسىلگەن.