قر اقپارات جانە كوممۋنيكاتسيالار مينيسترلىگىنىڭ رەسمي سايتىنا جاڭا قوسىمشا ەنگىزىلدى. ول – شاعىمدانۋ پاراقشاسى. قر اقپارات جانە كوممۋنيكاتسيالار ءمينيسترى داۋرەن اباەۆ ءوزىنىڭ «فەيسبۋك» جەلىسىندەگى جەكە پاراقشاسىندا حابارلادى.

ەندىگى جەردە قازاقستان رەسپۋبليكاسىنىڭ كەز كەلگەن ازاماتى زاڭنامالارعا ءام زاڭ نورمالارىنا قايشى اقپاراتقا قاتىستى ونلاين تۇردە شاعىم، ءوتىنىم نەمەسە ۇسىنىس قالدىرا الادى.

«قىمباتتى دوستار، ءبىزدىڭ مينيسترلىك سايتىندا «شاعىمدانۋ» ءبولىمى اشىلدى. ول جەرگە كەز كەلگەن ازامات ينتەرنەتتە قازاقستان زاڭناماسىنا قايشى كەلەتىن اقپاراتتىڭ جاريالانعانى تۋرالى حابارلاماسىن قالدىرا الادى.

ماسەلە نەگىزىنەن الەۋمەتتىك جەلىلەردەگى ءسۋيتسيدتى، ەسىرتكىنى ناسيحاتتاعان، تەرروريزم مەن ەكسترەميزمگە، قاتىگەزدىك پەن ۇلتارالىق جانجالعا ۇندەگەن توپتارعا جانە سايتتارعا قاتىستى.

اتالعان بولىمدە قولدانۋشى زاڭ بۇزۋشىلىق كاتەگورياسىن تاڭداپ، ماتەريالدىڭ سىلتەمەسىن ەنگىزىپ، شاعىمىن ۋاكىلەتتى ورگانعا جولداي الادى. ءبىز تىركەلۋ فورماسىن قولدانۋشىعا بارىنشا ىڭعايلى، قاراپايىم ەتۋگە تىرىستىق»، - دەيدى داۋرەن اباەۆ.

اباەۆتىڭ ايتۋىنشا، اتالعان بولىمگە كەلىپ تۇسكەن ءاربىر شاعىم، ءوتىنىم بويىنشا مينيسترلىك ماماندارى شۇعىل شارالار قولدانادى.

«ەگەر زاڭ بۇزۋشىلىق ناقتىلانسا، ولار ەلىمىزدىڭ اۋماعىندا بۇعاتتالادى.سونىمەن قاتار، بىزگە جۋرناليستەر تاراپىنان قانداي دا ءبىر رەسۋرستىڭ نە سەبەپتى بۇعاتتالعانى تۋرالى سۇرانىم ءجيى تۇسەدى. وسى ورايدا ءبىز مۇنداي اقپارات قوعام ءۇشىن اشىق بولۋى كەرەك دەپ سانايمىز»،-دەپ جازادى.

سونداي-اق، جوعارىدا كورسەتىلگەن كونتەنتتەگى ماتەريالداردى جاريالاعان اقپارات قۇرالدارى ناقتى سەبەپتەرى كورسەتىلە وتىرىپ، قر تەرريتورياسىندا بۇعاتتالادى ەكەن.

«الداعى ۋاقىتتا رەسۋرستاردىڭ جابىلۋىنىڭ سەبەبىن كورسەتە وتىرىپ، بۇعاتتالعان سىلتەمەلەر بازاسىن قۇرۋدى جوسپارلاپ وتىرمىز. ەگەر وزىڭىزگە نەمەسە جاقىندارىڭىزعا قاۋىپ توندىرەتىن كونتەنتتى كورسەڭىز، سىلتەمەسىن مىنا ادرەسكە جولداۋىڭىزعا بولادى:http://mic.gov.kz/kk/complain» - دەيدى مينيستر داۋرەن اباەۆ مىرزا.

نۇرگەلدى ابدىعانيۇلى

Abai.kz