وڭتۇستىك قازاقستان وبلىسىندا حالىققا ۇسىنىلاتىن قىزمەتتەر وڭتايلاندىرىلۋدا. ەندىگى جەردە تۇرعىندار دەنساۋلىق ساقتاۋ سالاسىنداعى ناركولوگيالىق جانە پسيحونەۆرولوگيالىق ۇيىمدارىنان الاتىن انىقتامانى الىسقا شابىلماي ءبىر جەردەن الۋ مۇمكىندىگىنە يە بولىپ وتىر. ياعني بۇل ەكى قىزمەت ءتۇرىن «ازاماتتارعا ارنالعان ۇكىمەت» مەملەكەتتىك كورپوراتسياسى كورسەتەتىن بولادى. 

بۇگىن وبلىس اكىمىنىڭ اپپارات باسشىسى ە.الىمقۇلوۆ ورتالىققا ارنايى بارىپ اتالعان قىزمەت ءتۇرىنىڭ جۇرگىزىلۋ تارتىبەن تانىستى. 

وندا ول ەلباسىنىڭ «100 ناقتى» قادام ۇلت جوسپارىنداعى «اشىق ۇكىمەت» جوباسى اياسىندا مەملەكەتتىك قىزمەت تۇرلەرىن كورسەتۋ كەزىندە اكىمشىلىك كەدەرگىلەردى جويۋ ماقساتىندا جۇزەگە اسىرىلىپ وتىرعانىن ايتتى.
سونىمەن قاتار، وبلىستا وسى جوبا اياسىندا وبلىس اكىمىنىڭ باستاماسىمەن «اشىق اكىمدىك» جوباسى ەنگىزىلۋدە. 

بۇگىنگى تاڭدا اتالعان ەكى قىزمەتتى ۇسىنۋشىلار كورپوراتسيا عيماراتىنا ورنالاستىرىپ، بۇكىل ماتەريالدىق، تەحنيكالىق جابدىقتارمەن قامتاماسىز ەتىلگەن. قىزمەت الۋشىلاردىڭ لەگىن رەتتەۋ ماقساتىندا ەلەكتروندى كەزەك جۇيەسىنە ەنگىزىلدى. حالىققا قول جەتىمدىلىكتى ۇسىنۋ «اشىق اكىمدىك» جوباسىنىڭ قاعيداسى.

ايتا كەتەيىك، وڭتۇستىك قازاقستان وبلىسى اكىمدىگىمەن بەكتىلگەن 174 مەملەكەتتىك قىزمەت كورسەتۋ ءتۇرى بولسا، ونىڭ ىشىندە 171 ءتۇرى حالىققا قىزمەت كورسەتۋ ورتالىعى مەن مەلەكەتتىك ورگاندار ارقىلى ۇسىنىلادى.

اباي-اقپارات