اۋدانىمىزدىڭ الەۋمەتتىك-ەكونوميكالىق جاعدايى تۇراقتى دامۋدا. مەملەكەتتىك باعدارلامالاردىڭ نەگىزگى باعىتتارىن ىسكە اسىرۋ ماقساتىندا، اۋداندا ءتيىستى جۇمىستار جۇرگىزىلۋدە. اۋداننىڭ 2016-2020 جىلدارعا ارنالعان دامۋ باعدارلاماسى مەن الەۋمەتتىك-ەكونوميكالىق دامۋىنىڭ بارلىق فاكتورلارى مەن باعىتتارى قامتىلعان اۋداننىڭ دامۋ كونتسەپتسياسى ازىرلەنگەن. بۇگىندە اۋدان اۋماعى 1147,61 شارشى شاقىرىمدى قامتيتىن 11 اۋىلدىق وكرۋگتى، 42 ەلدى مەكەندى بىرىكتىرىپ وتىر. اۋداندا 200,6 مىڭ حالىق تاتۋلىقتى تۋ ەتىپ ءومىر سۇرۋدە، بۇل جالپى وبلىس حالقىنىڭ 7,0 پايىزىن قۇرايدى.

ەلدى ەتپەن قامتىعان قارابۇلاق

سايرام اۋدانىنداعى ەلدى مەكەندەر ىشىندە  حالىق ەڭ كوپ شوعىرلانعان قارابۇلاق اۋىلدىق وكرۋگىندە 10000 اسا مال باسى سياتىن جاڭا مال بازارى ورنى سالىنۋدا. ياعني، اباتتاندىرۋ جۇمىستارىن جۇزەگە اسىرۋ بويىنشا قۇرىلعان جوسپارعا بايلانىستى اۋىلدىق وكرۋگى اكىمى مەن جەكە كاسىپكەر ا.حاسانوۆ اراسىندا تۇزىلگەن «اۋىل ورتالىعىندا ورنالاسقان مال بازارىن اۋىل سىرتىنا كوشىرۋ مەن ءوزارا ىنتىماقتاستىق تۋرالى كەلىسىمگە» سايكەس، جەكە كاسىپكەر ا.حاسانوۆ تاراپىنان جاڭا مال بازارى قۇرىلىسى  جۇرگىزىلۋدە. سونداي- اق، ەت كومبيناتى ورنالاسقان قارابۇلاق اۋىلى ەلدى ەتپەن قامتىپ وتىر.

مال بورداقىلاۋ

سايرام اۋدانى، مال باسىن بورداقىلاۋدان وڭتۇستىك قازاقستان وبلىسى بويىنشا الدىڭعى قاتارداعى اۋدانداردىڭ ءبىرى. بۇگىنگى تاڭدا ءىرى قارا مال باسى 176342 قۇراسا، ونىڭ 32042 باسى بورداقىلاۋدا تۇر. بورداقىلاۋ الاڭدارىندا 1746 ادام جۇمىس ىستەۋدە.

Abai.kz